आविष्काको शतकमा वेष्ट इण्डिजलाई फराकिलो लक्ष्य 

एजेन्सी- आईसीसी एकदिवसीय क्रिकेट अन्तर्गत श्रीलंकाले वेष्ट इण्डिजलाई ३३९ रनको लक्ष्य दिएको छ।

रिवरसाईड क्रिकेट मैदानमा टस हारेर पहिले ब्याटिङ गरेको श्रीलंकाले निर्धारित ५० ओभरमा ६ विकेट गुमाउँदै ३३८ रन बनायो। 

श्रीलंकाको लागि आविष्का फर्नान्डोले शतकीय पारी खेले। १०३ बल खेलेका उनले ९ चौका र २ छक्काको सहयोगमा १०४ रन बनाए। आविष्काको एकदिवसीय क्रिकेटमा पहिलो शतक हो। 

त्यस्तै कुसल परेराले अर्धशतकीय पारी खेले। ५१ बल खेलेका उनले ८ चौकाको सहयोगमा ६४ रन बनाए।

श्रीलंकाका लागि लाहिरु थिरिमानेले ४५ रन जोड्दा कुशल मेन्डिस ३९, कप्तान दिमुथ करुणारत्ने ३२ र एन्जेलो म्याथ्युजले २० रनको योगदान गरे। 

बलिङतफै वेष्ट इण्डिजका लागि कप्तान जेसन होल्डरले दुई विकेट लिए। त्यस्तै शेल्डन कोट्रेल, ओशाने थोमस र फबियन एलेनले समान एक–एक विकेट लिए।