इजिप्ट समूह विजेता बन्दै नकआउट चरणमा

एजेन्सी- अफ्रिका कप अफ नेसन्स फुटबल अन्तर्गत इजिप्ट समूह विजेता बन्दै शीर्ष १६ मा प्रवेश गरेको छ । समूह ए मा रहेको इजिप्टले युगाण्डालाई २-० गोलले पराजित गर्दै अन्तिम १६ मा प्रवेश गरेको हो । 

इजिप्टको जितका लागि मोहमद सलाह र अहमद एल मोहम्मदीले एक एक गोल गरे । खेलको ३६ औ मिनेटमा स्टार स्ट्राइकर सलाहले फ्रिकिकमार्फत गोल गर्दै इजिप्टलाई अग्रता दिलाए । 

त्यस्तै पहिलो हाफको इन्जुरी समयमा अहमद एलमोहम्मदीले गोल गर्दै पहिलो हाफमा २-० को अग्रता दिलाए । दास्रो हाफमा भने दुबै टोलीबाट कुनै थप गोल हुन सकेन् । थप गोल हुन नसक्दा खेल इजिप्टले २-० ले आफ्नो पक्षामा पारेको हो । 

यसजितसँगै इजिप्ट ३ खेलबाट ९ अंक सहित समुह विजेताको रुपमा अन्तिम १६ मा प्रवेश गर्‍यो । युगाण्डाले ३ खेलबाट ४ अंक जोड्दै समुह उपविजेताको रुपमा प्रि-क्वाटरफाईनलमा स्थान बनाएको छ ।