भारतको पहिलो हार, इंग्ल्यान्ड विजयी

एजेन्सी- इंग्ल्यान्डमा जारी आइसिसी एकदिवसीय विश्वकप क्रिकेटमा भारतले पहिलो हार व्यहोरेको छ  । आइतबार भएको खेलमा घरेलु टिम इंग्ल्यान्डसँग ३१ रनले पराजित हुँदै भारतले पहिलो हार व्यहोरेको हो । 

इंग्ल्यान्डले दिएको ३ सय ३८ रनको लक्ष्य पछ्यएको भारतले ५० ओभर खेल्दै ५ विकेट गुमाएर ३०६ रन मात्र बनाउन सक्यो । भारतका लागि रोहित शर्माले शतकीय इनिङ्स खेलेपनि टोलीलाई जित दिलाउन सकेनन् । 

रोहितले १०९ बलमा १५ चौकासहित १०२ रन बनाए । जारी विश्वकपमा रोहितको यो तेस्रो शतक हो । यस्तै कप्तान विराट कोहलीले ६६ रनको अर्धशतकीय पारी खेले । उनले ७७ बलमा ७ चौका प्रहार गर्दै ६६ रन जोडेका हुन् । कोहलीको यो लगातार पाँचौ अर्धशतक हो । 

त्यस्तै हार्दिक पाण्डयाले ३४ बलमा ४ चौका सहित ४५ रन जोड्दा महेन्द्र सिंह धोनीले ३१ बलमा ४ चोका र १ छक्का सहित अविजित ४२ रन जोडे । ऋषब पन्तले ३२, केदार जादब १२ रन जोडे । इंग्ल्यान्डका लागि लियाम प्लुन्केटले ३ तथा क्रिस वोक्सले २ विकेट लिए ।

यसअघि टस जितेर पहिले ब्याटिङ गर्ने निर्णय गरेको इंग्ल्यान्डले निर्धारित ५० ओभरमा ७ विकेट गुमाउँदै ३ सय ३७ रन जोडेको थियो । उत्कृष्ट सुरुवात गरेको इंग्ल्यान्डका लागि ओपन बेयरस्टोले १११ रनको शतकीय पारी खेलेका हुने । उनले १०९ बलमा १० चौका र ६ छक्काको मद्दतमा १११ रनको शतकीय पारी खेलेका हुन् । 

बेयरस्टोले अर्का ओपनर ब्याट्सम्यान जसन रोयसँग १६० रनको साझेदारी गरे । रोयले पहिलो विकेटका लागि ६६ रनको योगदान दिए । ५७ बल खेलेका रोयले ७ चौका र २ छक्का प्रहार गर्दै अर्धशतकीय पारी खेलेका हुन् । 

त्यस्तै बेन स्टोक्सले ७९ रनको उत्कृष्ट अर्धशतकीय पारी खेले । उनले ५४ बलमा ६ चौका र ३ छक्का प्रहार गर्दै ७९ रनको अर्धशतकीय पारी खेलेका हुन् । जोइ बुट्लरले ५४ बलमा २ चौका सहित ४४ रन जोड्दा विकेटकीपर ब्याट्सम्यान जोस बुट्लरले २० र क्रिस वेक्सले ७ रन जोडे ।

भारतका लागि मोहम्मद सामीले सर्वाधिक पाँच विकेट लिए । उनले १० ओभरमा ६९ रन खर्चदै पाँच विकेट लिएका हुन् । त्यस्तै कुलदीप यादव र जसप्रित बुमरहाले एक एक विकेट लिए ।

यसजितसँगै इंग्ल्यान्डको सेमिफाइनल यात्रा सहज बनेको छ । इंग्ल्यान्डले ८ खेलबाट १० अंक जोड्दै अंक तालिकाको चौंथो स्थानमा छ । पहिलो हार व्यहोरेको भारतको ७ खेलबाट ११ अंक सिहत समूहको दोस्रो स्थानमा छ  ।