भारतको जितका लागि पाकिस्तानको प्रार्थना

एजेन्सी-विश्वकप एकदिवसीय क्रिकेटमा पाकिस्तानमाथी दबदबा राखेको भारतले यस वर्ष पनि कायमै राखेको छ । भारतले एकदिवसीय विश्वकपमा पाकिस्तानलाई साँतौ पटक पराजित गरेको छ । 

तर, भारतका सबै विषयमा कट्टर विरोधिका रुपमा उभिने पाकिस्तान भने यती बेला भारतको जितका लागि कामना गर्दै छ । पाकिस्तानले आफ्नो मुख्य विरोधी टोली भारतलाई आयोजक इंग्ल्यान्डसँगको खेल जितका लागि कामाना गर्दै छ । 

आज (आइतबार) भारतले आफ्नो सातौ खेल इंग्ल्यान्डसँग खेल्दै छ । उक्त खेल भारतले जिते पाकिस्तानको सेमिफाइनल यात्रा सहज हुने अनुमान गरिएको छ । भारत हालसम्म प्रतियोगितामा अपराजति छ । भारतले सेमिफाइनलमा स्थान लगभग पक्का गरेको छ । 

पाकिस्तानको अन्तिम चारमा पुग्न इंग्ल्यान्डको जितहारले तय गर्ने छ । त्यस्तैले भारत र इंग्ल्यान्डविरुद्धको खेलमा भारतको जितका लागि पाकिस्तान कामना गर्दै छ । यतीबेला अंक तालिकामा ध्यान केन्द्रत गर्ने हो भने इंग्ल्यान्ड ७ खेलमा चार जित सहित ८ अंक जोडेर पाँचौ स्थानमा छ । 

इग्ल्यान्डले अझै दुई खेल खेल्न बाँकी छ । यता पाकिस्तान ८ खेलमा ४ जित सहित ९ अंक जोडेर चौथो स्थानमा छ । तर, पाकिस्तानको अब एक खेल मात्र खेल्न बाँकी छ । पाकिस्तानले आफ्नो अन्तिम खेल पनि जित्ने पर्ने दबाब छ र इंग्ल्यान्डले एक खेल गुमाउनु पर्ने छ । त्यसैले पाकिस्तानको अर्को चरणको फैसला भारत र इंग्ल्यान्डबीचको खेल नतिजामा निर्भर छ ।