स्टार्कको उत्कृष्ट बलिङमा अष्ट्रेलिया विजयी

एजेन्सी- तिब्र गतिका बलर मिचेल स्टार्कले उत्कृष्ट बलिङ गरेपछि अष्ट्रेलियाले न्युजिल्यान्डलाई पराजित गरेको छ । शनिबार राति भएको खेलमा अष्ट्रेलियाले न्युजिल्याण्डलाई ८६ रनले पराजित गरेको हो ।

अष्ट्रेलियाले दिएको २ सय ४४ रनको लक्ष्य पछ्याएको न्युजिल्यान्डले ४३.४ ओभरमा सबै विकेट गुमाउँदै मात्र १ सय ५७ बनाउन सक्यो । न्युजिल्यान्डका लागि कप्तान केन विलियम्सनले सर्वाधिक ४० रन बनाए । उनले ५१ बलमा २ चौका र १ छक्का प्रहार गर्दै ४० रन जोडेका हुन् । 

रोस टेलरले ५४ बलमा दुई चौका सहित ३० रन जोड्दा मार्टिन गुप्टिलले २०, टोम लाथमले १४ र मिचेल सान्टरले १२ रन जोड्न बाहेक अन्य ब्याट्समयानले दोहोरो अंकमा रन छुन सकेनन् । 

अष्ट्रेलियाका लागि मिचेल स्टार्कले ५ विकेट लिए । उनले ९.४ ओभरमा २६ रन खर्चेर ५ विकेट लिए । त्यस्तै जासन पाउलले २ तथा पात कुमिन्स, नाथन लियोन र स्टिव स्मिथले एक एक विकेट लिए ।

यसअघि टस जितेर पहिलले ब्याटिङ गर्ने निर्णय गरेको अष्ट्रेलियाले निर्धारित ५० ओभरमा ९ विकेट गुमाउँदै २ यस ४३ रन जोडेको थियो । खराव सुरुवात गरेको अष्ट्रेलियाका लागि उस्मान खवाजा र एलेक्स क्यारीले अर्धशतकीय पारी खेले । खावाजले १२९ बलमा ५ चौका प्रहार गर्दै ८८ रनको उत्कृष्ट अर्धतकीय पारी खेलेका हुन् । 

त्यस्तै क्यारीले ७२ बलमा ११ चौका प्रहार गर्दै ७१ रनको अर्धशतकीय पारी खेलेका हुन् । खवाजा र क्यारीले छैठौं विकेटका लागि १०७ रनको साझेदारी गरे । पहिलो विकेटका रुपमा टोलीको १५ रन पुग्दा कप्तान आरोन फिन्चलाई गुमाएको अष्ट्रेलियाले दोस्रो विकेटको रुपमा १० औं ओभरको पहिलो बलमा डेभिड वार्नरलाई गुमाएको थियो । 

वार्ननरले २३ बलमा ३ चौकाको मद्दतमा १६ रन जोड्दै पेभिलियन फकिए । केही समय धर्मराएको अष्ट्रेलियाको ब्याटिङ खावाजा र क्यारीले सम्हालेका थिए । स्टिवन स्मिथ ५ रनमा आउट हुँदा मर्कुस स्टोनिस २१ रन र ग्लेन म्याक्सवेल शुन्य रनमा पेभिलियन फर्किए । पात कुम्मीज २३ रनमा अविजित रहे । 

न्युजिल्यान्डका लागि ट्रेन्ट बोल्टले ह्र्याट्रिक विकेट लिए । उनले खेलको अन्तीम ओभरमा लगातार तीन विकेट लिएका हुन् । उनले १० ओभर बलिङ गर्दै ५२ रन खर्चेर चार विकेट लिएका हुन् । त्यस्तै लोकिए फर्गुनसन र जेम्स नीशामले समान दुई दुई तथा केन विलियनसनले एक विकेट लिए ।

यसजितसँगै अष्ट्रेलिया ८ खेलबाट १४ अंक जोड्दै अंक तालिकाको शीर्ष स्थानमा यथावत रहेको छ । पराजित न्युजिल्यान्डले ८ खेलबाट ११ अंक जोड्दै अंक तालिकाको तेस्रो स्थानमा रहेको छ ।अष्ट्रेलियाले भने यसअघि नै सेमिफाइनलमा स्थान बनाइ सकेको छ ।