पाकिस्तानसँग अफगानिस्तान तीन विकेटले पराजित

एजेन्सी- आइसिसी एकदिवसीय विश्वकप क्रिकेटमा पाकिस्तानले आफ्नो सेमिफाइनल यात्रालाई जीवितै राखेको छ । कठिन अवस्थानमा रहेको पाकिस्तानले शनिबार भएको खेलमा अफगानिस्तानलाई ३ विकेटले पराजित गर्दै आफ्नो सेमिफाइनल यात्रालाई जीवितै राखेको हो । 

अफगानिस्तानले दिएको २ सय २८ रनको लक्ष्य पछ्याएको पाकिस्तानले ४९.४ ओभरमा ७ विकेट लक्ष्य भेट्टायो । खराव सुरुवा गरेको पाकिस्तानका लागि बाबर अजममले ४५ रन जोडे । उनले ५१ बलमा ५ चौका सहित ४५ रनको योगदान दिएका हुन् । 

त्यस्तै इमाम उल हकले ५१ बलमा ४ चौका सहित ३६ रन जोडे । हरिस सोहइलले २७, मोहम्मद हाफस्जले १९, सर्फराज अहमदले १८ र शादब खानले ११ रन जोडे । त्यस्तै इमाद वासिम र वाहव रियाजले अविजित पारी खेले । वासिमले ५४ बलमा ५ चौका प्रहार गर्दै ४९ रन जोडेका हुन् भने रियाजले १५ रन जोडे । अफगानिस्तानका लागि मुजीव उर रहमान र मोहम्मद नाइबले समान दुई दुई विकेट लिए । त्यस्तै राशिद खानले एक विकेट लिए ।

यसअघि टस जितेर पहिले ब्याटिङ गर्ने निर्णय गरेको अफगानिस्तानले ५० ओभरमा ९ विकेट गुमाउँदै २ सय २७ रन जोडेको थियो । खराब सुरुवात गरेको अफगानिस्तानले पाँचौ ओभरमा २७ रन पुग्दा आफ्नो पहिलो विकेटको रुपमा कप्तान गुल्बदिन नाइबलाई गुमाएको थियो । नाइब १५ रनमा आउट भए । 

सोहि ओभरको पाँचौ बलमा हशमतुल्लाह शाहिदी शुन्य रनमा पेभिलियन फर्किए । त्यसपछि १२ औं ओभरमा ३५ रनमा खेली रहेका रहमत शाहलाई गुमाउँदा २६ औं ओभरमा अस्घर अफघानलाई चौथो विकेटका रुपमा गुमाएको थियो । अफघरले ३५ बलमा ३ चौका र २ छक्का प्रहार गर्दै धरमराएको अफगानिस्तानको ब्याटलिाई उकास्ने प्रयास गरेका थिए । 

त्यस्तै इक्रम अलिखिलले २४ रन जोड्दा मोहम्मद नाबी १६ रनमा आउट भए । सातौ विकेटका रुपमा नाजिबुल्लाह जद्रानले ४२ रन जोडे । उनले ५४ बलमा ६ चौका प्रहार गर्दै ४२ रन जोडेका हुन् । समिउल्लाह शिनवारीले १९, राशिद खानले ८, मुजिव उर रहमनले ७ र हमिद हसनले १ रन जोडे । 

पाकिस्तानका लागि शहीन शाह हफ्रिदीले चार विकेट लिए । त्यस्तै वहाब रियाज र इमाद वासिनले समान दुई दुई तथा शदाब खानले एक विकेट लिए ।