पाकिस्तानलाई अफगानिस्तानको सामान्य लक्ष्य

एजेन्सी- इंग्ल्यान्डमा जारी आइसिसी एकविदसीय विश्वकप क्रिकेटबाट बाहिरिसकेको अफगानिस्ताले जितका लागि पाकिस्तानलाई २ सय २८ रनको सामान्य लक्ष्य सुम्पेको छ । टस जितेर पहिले ब्याटिङ गर्ने निर्णय गरेको अफगानिस्तानले ५० ओभरमा ९ विकेट गुमाउँदै २ सय २७ रन जोडेको हो । 

खराब सुरुवात गरेको अफगानिस्तानले पाँचौ ओभरमा २७ रन पुग्दा आफ्नो पहिलो विकेटको रुपमा कप्तान गुल्बदिन नाइबलाई गुमाएको थियो । नाइब १५ रनमा आउट भए । सोहि ओभरको पाँचौ बलमा हशमतुल्लाह शाहिदी शुन्य रनमा पेभिलियन फर्किए । 

त्यसपछि १२ औं ओभरमा ३५ रनमा खेली रहेका रहमत शाहलाई गुमाउँदा २६ औं ओभरमा अस्घर अफघानलाई चौथो विकेटका रुपमा गुमाएको थियो । अफघरले ३५ बलमा ३ चौका र २ छक्का प्रहार गर्दै धरमराएको अफगानिस्तानको ब्याटलिाई उकास्ने प्रयास गरेका थिए । 

त्यस्तै इक्रम अलिखिलले २४ रन जोड्दा मोहम्मद नाबी १६ रनमा आउट भए । सातौ विकेटका रुपमा नाजिबुल्लाह जद्रानले ४२ रन जोडे । उनले ५४ बलमा ६ चौका प्रहार गर्दै ४२ रन जोडेका हुन् । समिउल्लाह शिनवारीले १९, राशिद खानले ८, मुजिव उर रहमनले ७ र हमिद हसनले १ रन जोडे । 

पाकिस्तानका लागि शहीन शाह हफ्रिदीले चार विकेट लिए । त्यस्तै वहाब रियाज र इमाद वासिनले समान दुई दुई तथा शदाब खानले एक विकेट लिए ।