कोलम्बियालाई पराजित गर्दै चिली सेमिफाइनलमा

एजेन्सी- चिली ब्राजिलमा जारी कोपा अमेरिकाको सेमिफाइनलमा प्रवेश गरेको छ । शनिबार बिशान भएको खेलमा कोलम्बियालाई पेनाल्टी स्टआउटमा ५-४ ले पराजित गर्दै चिली प्रतियोगिताको सेमिफाइनलमा प्रवेश गरेको हो । 

निर्धारित ९० मिनेटको खेल गोलरहित बराबरीमा सकिएपछी खेगको निर्णय पेनाल्टी सुटआउटमा पुगेको थियो । तर पेनाल्टी सुटआउटमा भने चिलीले बाजी मार्‍यो । पेनाल्टीमा चिलीका लागि एलेक्स सान्चेज, कार्लेस अरंगुइज, एरिक पुल्गार, इडुआर्डो भर्गास र अर्थुरो भिडालले गोल गरे । 

कोलम्बियाका लागि येरी मिना, जुआन कुड्राडो, एड्विन कार्डोना र जेम्स रोड्रिग्युजले पेनाल्टीमा गोल गर्दा विलियम टेसिलो गोल गर्नबाट चुकेका थिए । अब चिलीले फाइनल प्रवेशका लागि उरुग्वे र पेरुबीचको विजेतासँग भिड्ने छ ।