दक्षिण अफ्रीकालाई श्रीलंकाको सामान्य लक्ष्य

एजेन्सी- आइसिसी एकदिवसीय विश्वकप क्रिकेटमा श्रीलंकाले दक्षिण अफ्रीकालाई जितका लागि २ सय ४ रनको सामान्य लक्ष्य सुम्पेको छ । टस हारेर पहिले ब्याटिङको निम्तो पाएको श्रीलंकाले ४९.३ ओभरमा सबै विकेट गुमाउँदै २ सय ३ रन जोडेको हो । 

दक्षिण अफ्रीकाका बलर सामु श्रीलंकाका कुनै पनि ब्याट्सम्यानले जमेर खेल्न सकेनन् । पहिलो ओभरको पहिलो बलमा नै कप्तान दिनुथ करुनारत्नेलाई गुमाएको श्रलिंकाले १० औं ओभरमा ६७ रन पुग्दा अविशेक फर्नान्डोलाई गुमाएको थियो । 

३० रनमा खेली रहेका फर्नान्डो डाइने प्रेटोरियसको बलमा क्याचआउ हुँदै पेभिलिएन फर्किएका थिए । तेस्रो विकेटको रुपमा ३० रनमा खेली रहेका कुसल परेरालाई गुमाए पछि टोलीको १०० रन पुग्दा २२ औं ओभरमा एन्जोलो माथेवजलाई गुमाएको थियो । उनी ११ रनमा पेभिलिएन फर्किएका हुन् । 

त्यसपछि २३ रनमा कुसल मेन्डीज, २४ रनमा धनन्जय डि सिल्भा, १८ रनमा जीवन मेन्डीन, २१ रनमा थिसरा परेरा र १७ रनमा इसुरु उदना पेभिलियन फर्किएका थिए ।  दक्षिण अफ्रीकाका लागि क्रिस मोरिस, डाइने प्रेटोरियसले समान तीन तीन विकेट लिए । त्यस्तै  कागिसो रबाडाले दुई तथा एन्जल फेहलुक्वायो र डुमीनीले एक विकेट लिए ।