ब्राजिल कोपा अमेरिकाको सेमिफाइनलमा

एजेन्सी- ब्राजिल घरेलु मैदानमा आयोजना भएको कोपा अमेरिकाको सेमिफाइनलमा प्रवेश गरेको छ। शुक्रबार बिहान भएको खेलमा १० खेलाडीमा समेटिएको पाराग्वेलाई पेनाल्टी सुटआउटमा ४-३ ले पराजित गर्दै ब्राजिल प्रतियोगिताको सेमिफाइनलमा प्रवेश गरेको हो । 

पाराग्वे खेलको ५८ औं मिनेटमा १० खेलाडीमा समेटिएको थियो । फाबियन बल्बुएनाले रातो कार्ड खाँदै मैदान बाहिरिएका पछि पाराग्वे १० खेलाडीमा समेटिएको हो । ब्राजिलले पुरै समय पाराग्वेलाई दबाबमा राखेको थियो । 

तर पनि ब्राजिलले १० खेलाडीमा सकेटिएको पाराग्वेमाथी गोल गर्न भने सकेन् । निर्धारित ९० मिनेटको खेलमा दुबै टोलीले गोलरहित बराबरी खेलेपछि खेलको निर्णय पेनाल्टी सुटआउटमा पुगेको थियो । ट्राइब्रेकरमा भने ब्राजिलले बाजी मार्यो । 

पेनाल्टी सुटआउटमा ब्राजिलका लागि फिलिप्पे काउटिन्हो, माक्युनहोस, विलियन्सले गोल गर्दा रोबर्टो फिर्मिन्नोले चुकेका थिए । त्यस्तै पाराग्वेका लागि गाब्रिएल जेसस, जुआन रोड्रिगो रोजा, ब्रुनो भाल्डेज, मिगुएल अल्मिरोनले गोल गरेका थिए भने गुस्ताभो गोमेन्स र डेर्लिस गोन्जालेजले गोल गर्न सकेनन् । अब ब्राजिलले आज राती हुने भेनेजुएला र अर्जेनिटनाबीचको खेलको विजेता टोलीसँग फाइनल प्रवेशका लागि खेल्ने छ ।