गेलले अन्तर्राष्ट्रिय क्रिकेटबाट सन्यास नलिने

एजेन्सी- वेस्टइन्डिजका विस्फोटक ब्याट्सम्यान क्रिस गेलले इंग्ल्यान्डमा जारी एकदिवसीय विश्वकप क्रिकेट पछि सन्यास नलिने भएका छन् । बुधबार क्रिकेट वेस्टइन्डिजले यस विषयलाई पुष्टि गर्दै गेलले विश्वकप पछिट सन्यास नलिने बताएको छ । 

यस अघि गेलले अन्तर्राष्ट्रिय क्रिकेटबाट सन्यास लिने घोषणा गरेका थिए । विश्वकप सकिएको मात्र केही समय पछि वेस्टइन्डिजजले भारतसँग टेस्ट, एकदिवसीय र टी-२० सिरिज खेल्दै छ । 

२ अगष्ट देखी २ सेप्टेम्बरकोबीचमा वेस्टइन्डिज र भारतले दुई टेस्ट, तीन एकदिवसीय र तीन टी-२० खेल खेल्दै छ । केहि समय पहिलो मात्र गेलले यस सिरिज खेल्ने इच्छा जनाएका थिए । विश्वकपमा भारत र वेस्टइनिडजबीचको खेलको पूर्व सन्ध्यामा बुधबार संचार माध्यमसँग कुरा गर्दै गेलले आफ्नो क्रिकेट करियरको अन्त्य नभएको बताएका थिए ।

‘अहिले नै मेरो क्रिकेट जिवनको अन्त्य भएको छैन् । अझै म केही खेल अरु खेल्ने छु । शायद विश्वकप पछि एक अर्को सिरिज खेल्ने छु । त्यसपछि के गर्ने म सोच्ने छु ।’ गेलले भने, ‘म शायद भारतविरुद्ध टेस्ट खेल खेल्ने छु । त्यसपछि निश्चय नै टी-२० र एकदिवसीय खेल पनि खेल्ने छु ।’ 

सुरुवातमा गेलको भनाइलाई लिएर सबैले जोकमा लिएका थिए । तर, पछि वेस्टइन्डिज टोलीका मिडिया म्यानेजरले उक्त विषयलाई पुष्टि गरेका थिए ।