ईजिप्ट अफ्रिका कप अफ नेसन्सको प्रि-क्वाटरफाइनलमा

एजेन्सी- ईजिप्ट घरेलु मेदानमा आयोजना भएको अफ्रिका कप अफ नेसन्स फुटबल अन्तरगत प्रि-क्वाटरफाईनलमा प्रवेश गरेको छ । बुधबार राती भएको खेलमा कंङ्गोलाई २-० गोल अन्तरले पराजित गर्दै ईजिप्ट प्रि-क्वाटरफाइनलमा प्रवेश गरेको हो । 

ईजिप्टको जितका लागि अहमद एल्मोहामदी र मोहमद सलाहाले एक एक गोल गरे । खेलको २५ औं मिनेटमा एल्मोहामदीले गोल गर्दै घरेलु टोलीलाई अग्रता दिलाएका थिए । त्यस्तै पहिलो हाफ सकिन दुई मिनेट बाँकी रहँदा  सलाहाले गोल गर्दै ईजिप्टको अग्रता दोब्बर पारे । 

दोस्रो हाफमा भने दुबै टोलीबाट कुनै गोल हुन नक्दा ईजिप्टले खेल २-० ले आफ्नो पक्षमा पारेको हो । समुह ‘ए’को रहेको ईजिप्टले २ खेलबाट ६ अंक जोड्र्द शीर्ष स्थानमा छ । पराजित कंङ्गो अंक विहिन हुँदै अंक तालिकाको पुछारमा छ ।