पाकिस्तानसँग न्युजिल्यान्ड पराजित

एजेन्सी- आइसिसी एकदिवसीय विश्वकप क्रिकेटमा पाकिस्तानले उपाधि दाबेदार टोली न्युजिल्यान्डदाई पराजति गरेको छ। बुधबार भएको खेलमा पाकिस्तानले न्युजिल्याण्डलाई ६ विकेटले पराजित गरेको हो ।

न्युजिल्यान्डले दिएको २ सय ३ड रनको सामान्य लक्ष्य पछ्याएको पाकिस्तानले ४९.१ ओभरमा मात्र द्ध विकेट गुमाउँदै भेट्टायो । पाकिस्तानको जितका लागि बाबर आजमले शतकीय पारी खेले। उनले १२७ बलमा ११ चौकासहित अविजित रहदै १०१ रनको शतकीय पारी खेलेका हुन् । 

यस्तै हरिस सोहिलले ६८ रनको अर्धशतकीय पारी खेले। उनले ७६ बलमा ५ चौका र २ छक्काको मद्दतमा ६८ रन जोडका हुन । मोहमद हाफिजले ५० बलमा ५ चौका सहित ३२ रन जोड्दा इमाम उलहकले १९ रन जोडेका थिए । न्युजिल्यान्डका लागि ट्रेन्ड बोल्ट, केन विलियम्सन र लक्की फोर्गुसनले एक एक विकेट लिए ।

यसअघि टस जितेर पहिले ब्याटिङ गर्ने निर्णय गरेको न्युजिल्यान्डले निर्धारित ५० ओभरमा ६ विकेट गुमाउँदै २ सय ३७ रन बनाएको थियो । खराव सुरुवात गरेको न्युजिल्यान्डका लागि नीशाम र ग्रान्डहोमले उत्कृष्ट पारी खेल्दै स्कोर उकासेका थिए । १३ औं ओभरमा ४ विकेट गुमाएर मात्र ४६ रन हुँदा मैदान प्रवेश गरेका नीशामले ११२ बलमा ५ चौका र २ छक्का प्रहार गर्दै ९७ रनको उत्कृष्ट अविजित अर्धशतकीय पारी खेलेका हुन् । 

उनले चौथो विकेटका लागि कप्तान केन विलियमसनसँग मिलेर ३७ रनको साझेदारी रगेका थिए । कप्तान केन २७ औं ओभरमा ४१ रन जोड्दै शादब खानको बलमा क्याच आउट हुँदै पेभिलिएन फर्किएका थिए । उनले ६९ बलमा ४ चौका प्रहार गर्दै ४१ रन जोडेका हुन् । 

त्यसपछि कप्तान केनको स्थानमा मैदान प्रवेश गरेका ग्रान्डहोमसँग नीशामले धरमराएको न्युजल्यान्डको ब्याटिङलाई सम्हाल्दै १३२ रनको साझेदारी गरे । ग्रान्डहोमले ७१ बलमा ६ चौका र १ छक्का प्रहार गर्दै ६४ रनको पारी खेले । पाकिस्तानका लागि शाहीन शाह खफ्रीदीले सर्वाधिक तीन विकेट लिए । त्यस्तै मोहम्मद आमीर र शादब खानले एक एक विकेट लिए ।