जितविहिन हुँदै सकियो मनाङको एएफसीकप यात्रा

एजेन्सी- नेपाली ‘ए’ डिभिजन लिग विजेता क्लब मनाङ मस्र्याङ्दीले एएफसीकपमा जिविहिन हुँदै आफ्नो यात्रा समाप्त गरेको छ । बुधबार सातदोबाटोस्थित एन्फा कमप्लेक्समा चेन्नाइन क्लबसँग भएको खेलमा ३-२ ले पराजित हुँदै यात्रा टुङ्गिएको हो । 

समूह ‘ई’मा रहेको मनाङले ६ खेल खेल्दा दुई खेलमा बराबरी र चार खेलमा पराजय भोग्दै एकएफसीकपको यात्रा समप्त गरेको हो । घरेलु मैदानमा मनाङलाई पराजित गर्न चेन्नाइनका मोहम्मद राफीले दुई तथा एली साबियाले एक गोल गरे । मनाङका लागि अफीज ओलावालेले दुई गोल गरे । 

पहलो हाफ गोल रहित बराबरीमा सकिएको खेलको दोस्रो हाफमा पाहुना टोलीले अग्रता लिएको थियो । खेलको ५३ औं मिनेटमा राफीले गोल गर्दै चेन्नाइनलाई अग्रता दिलाए । ६६ औं मिनेटमा एलीले गोल गर्दैै पाहहुनाटोलीको अग्रता दोब्बर पारे । 

७१ औं मिनेटमा मनाङका लागि ओलावालेले गोल गर्दै खेल २-१ को स्थितीमा ल्याए । त्युसको आठ मिनेट नबित्दै ओलावालेले व्यक्तिगत दोस्रो गोल गर्दै खेल २-२ को बराबरीमा ल्याए । तर, खेल सकिन दुई मिनेट बाँकी रहँदा राफीले व्यक्तिगत दोस्रो गोल गर्दै पाहुना टोलीलाई ३-२ को जित दिलाए । 

यसजितसँगै चेन्नाइन ६ खेलमा तीनल जित, दुई बराबरी र एक हारसँगै अंक तालिकाको दोस्रो स्थानमा रह्यो भने पराजित मनाङ समान खेलबाट दुई अंक जोड्दै पुछारमा रहदै एएफसीकपको यात्रा समप्त गरेकोछ ।