चार जितसँगै भारतलाई सेमिफाइनल पुग्न चार चुनौती

एजेन्सी- इंग्ल्यान्डमा जारी एकदिवसीय विश्वकप क्रिकेटमा भारतीय क्रिकेट टोलीले अपेक्षा अनुसारको प्रदर्शन गरेको छ । भारतले आफ्नो पाँच खेल मध्यमा चार खेलमा जित नितकालेको छ भने एक खेल वर्षाका कारण अंक बाँढेको थियो । 

दक्षिण अफ्रीकासँगको पहिलो खेलमा लक्ष्य पछ्याएको भारतले पछिल्ला तीन खेलमा लक्ष्य सुम्पेको छ । भारतको ब्याटिङ र बलिङले मैदानमा परिस्थिती अनुसारको प्रदर्शन गरेको छ । 

विश्वकपमा अहिले सम्मको प्रदर्शन

पहिलो खेलमा दक्षिण अफ्रीकाले दिएको २२८ रनको लक्ष्य पछ्याएको भारतले ६ विकेटले जितेको थियो । त्यस्तै अष्ट्रेलियाविरुद्ध पनि उत्कृष्ट ब्याटिङ गर्दै ३५३ रनको लक्ष्य सुम्पेको थियो । 

पाकिस्तानविरुद्ध ३३६ रन जोडेको भारतले अफगानिस्तानविरुद्ध भने २२४ रन मात्र जोड्न सकेको थियो । तर, उक्त खेलमा बलरले उत्कृष्ट प्रदर्शन गर्दै ११ रनको रोमाञ्चक जित निकालेको थियो ।

अब विश्वकपमा भारतको खेल

अब विश्वकपमा भारतको खेल वेस्टइन्डिजसँग रहेको छ । वेस्टइन्डिजले आफ्नो पहिलो खेलमा पाकिस्तानलाई पराजित गरेको थियो । तर, त्यसपछि भने वेस्टइन्डिजले अपेक्षा अनुसारको प्रदर्शन गर्न सकेको छैन् । 

वेस्टइन्डिज पछि भारतले जारी विश्वकपको बलियो टोली इंग्ल्यान्डसँग खेल्दै छ । श्रीलंकासँगको हार पछि इंग्ल्यान्डलाई पनि सेमिफाइनलको यात्रा तय गर्न त्यती सहज भने छैन् । त्यसैले पनि भारतको आक्रमक बलिङको परिक्षा इंग्ल्यान्डविरुद्धको खेलमा हुने छ । 

जहाँ जोय रुट र कप्तान इयोन मोर्गनलाई रोक्न टिमका लागि सबै भन्दा ठुलो चुनौती हुने छ । बेन स्टोक्स र जोस बुट्लर पनि दमदार पारी खेल्दै टिमको स्कार उकास्न सक्ने छन् । त्यस्तै जोफ्रा आर्चर शानदार बलिङ गरी रहेका छन् । 

आर्चलाई भारतीय ब्याट्सम्यानविरुद्ध बलिङ गरेको अनुभव समेत छ । बंगलादेशविरुद्ध हालै भारतीय टोलीलाई जितका लागि संघर्ष गर्नु परेको थियो । बंगलादेशी टिमका परिपक्वता झल्किएको छ । त्यसैले भारतले बंगलादेशविरुद्ध नयाँ रणनिती अपनाउनु पर्ने देखीन्छ । 

श्रीलंकाले पछिल्ला खेलहरुमा राम्रो प्रदर्शन गर्न सकेको छैन् । तर इंग्ल्यान्डलाई पराजित गरेपछि आत्मविश्वास बढेको छ । त्यसैले श्रीलंका पनि भारतलाई कडा चुनौती दिन सक्ने छ ।