जापान कोपा अमेरिकाबाट बाहिरियो

एजन्सी- जापान ब्राजिलमा जारी कोपा अमेरिकाबाट बाहिरिएको छ । मंगलबार बिहान भएको समूह चरणको अन्तिम खेलमा इक्वेडरसँग १-१ को बराबरी खेल्दै दुबै टोली प्रतियोगिताबाट बाहिरिएका छन् । 

तीन खेल खेलेको जापानले २ अंक जोड्दै तेस्रो स्थानमा रहँदै प्रतियोगिताको अन्तय गरेको छ । जापान समूह चरणको तेस्रो स्थानमा रहेपनि उत्कृष्ट दुई भित्र पर्न सकेन् ।

समूह ‘बी’मा समान अंक भएको पाराग्वे गोल अन्तरका आधारमा क्वाटरफाइनमा प्रवेश गरेको छ । त्यस्तै तेस्रो स्थानको उत्कृष्ट दुईटोली भित्र समूह ‘ए’बाट पेरु क्वाटरफाइनलमा प्रवेश गरेको छ । पेरुले तीन खेलमा ४ अंक जोड्दै तेस्रो स्थानमा रहेको थियो । 

इक्वेडरसँग भएको खेलमा जापानले सुरुवाती अग्रता लिएको थियो । अग्रता जोगाउन नसक्दा जापानले इक्वेडरसँग १-१ को बराबरी खेलेको हो । खेलको १५ औं मिनेटमा जापानले अग्रता लिएको थियो । जापानलाई शोया नाकाजिमाले गोल गर्दै अग्रता दिलाएका थिए । 

तर, खेलको ३५ औं मिनेटमा इक्वेडरका एन्जल मेनाले गोल गर्दै खेल बराबरीमा ल्याए । पहिलो हाफ १-१ को बराबरीमा सकिएको खेलको दोस्रो हाफमा दुबै टालीले थप गोल गर्न नसक्दा खेल बराबरीमा रोकिएको हो । यस समूहबाट उरुग्वे समूह विजेता र चिली उपविजेता बन्दै क्वाटरफाइनलमा प्रवेश गरेका छन् ।