उरुग्वे कोपा अमेरिकाको क्वाटरफाइनलमा 

एजेन्सी- उरुग्वे ब्राजिलमा जारी कोपा अमेरिका फुटबलको क्वाटरफाइनलमा प्रवेश गरेको छ । मंगलबार बिहान भएको खेलमा चिलीलाई १-० गोले पराजित गर्दै उरुग्वे प्रतियोगिताको क्वाटरफाइनलमा प्रवेश गरेको हो । 

उरुग्वेको जितका लागि स्टार स्ट्राइकर एडिनसन काभानीले गोल गरे । उनको एक मात्र निर्णाय गोलको मद्दतले उरुग्वे समूह विजेता बन्दै प्रतियोगिताको क्वाटरफाइनलमा प्रवेश गरेको हो । पहिलो हाफ गोल रहित बराबरी भएको खेलको दोस्रो हाफमा काभानीले गोल गरेका थिए । 

उनले खेलको ८२ औं मिनेटमा निर्णायक गोल गर्दै टोलीको जित सुनिचित गरे । यसजितसँगै समूह 'सी' को विजेताका रुपमा क्वाटरफाइनल पुगेको उरुग्वेले ३ खेलबाट ७ अंक जोडेको छ । त्यस्तै पराजित चिली ६ अ‌क जोड्दै समूह उपविजेता बन्दै क्वाटरफाइनल पुगेको छ ।