बंगलादेश विजयी, अफगानिस्तानको लगातार सातौं हार

एजेन्सी-आइसिसी एकदिवसीय विश्वकप क्रिकेट अन्तरगत बंगलादेशले अफगानिस्तानलाई ६२ रनले पराजित गरेको छ । सोमबार भएको खेलमा बंगलादेशले दिएको २ सय ६३ रनको मध्यम लक्ष्य पछ्याएको अफगानिस्तानले ४७ ओभरमा सबै विकेट गुमाउदै मात्र २०० रन बनाउन सक्यो । 

अफगानिस्तानका लागि शामीउल्लाह शिनवारीले अविजित रहदै ४९ रन बनाएा पनि टोलीको जितका लागि प्रयाप्त भएन । उनले ५१ बलमा ३ चौाका र १ छक्काको मद्दतमा ४९ रन जोडेका थिए । त्यस्तै  कप्तान गुल्बादीन नाइबले ४७ रन जोडे । उनले ७५ बलमा ३ चौका सहित ४७ रन जोडेका हुन् । 

रहमत साहले ३५ बलमा ३ चौका सहित २४ रन जोड्दा, नाजिब उल्लाहले २३ रन जोडे । अस्घर अफगानले २० तथा हस्मतुल्लाह शाहिदी र इक्रम अली खलीले समान ११-११ रन जोडे । बंगलादेशका लागि शकिब अल हसनले सर्वाधिक ५ विकेट लिए । त्यस्तै मुस्तफिजुर रहमानले दुई तथा मोहम्मद सैफुदिन र मोसादेक होसेइनले एक एक विकेट लिए ।
 
यसअघि टस हारेर पहिले ब्याटिङ गरेको बंगलादेशले ५० ओभरमा ७ विकेट गुमाएर २ सय ६२ रन बनाएको थियो । बंगलादेशका लागि मुशफिकर रहिम र शकिब अल हसनले अर्धशतकीय पारी खेले । रहिमले ८७ बलमा ४ चौका र १ छक्काको मद्दतमा ८३ रन जोडेका थिए भने हसनले ६९ बलमा १ चौका सहित ५१ रन जोडेका थिए । 

त्यस्तै तामिम इकबालले ५३ बलमा ४ चौका सहित ३६ रन जोडे । मोसाडेक होसेनले २४ बलमा ४ चौका सहित ३५ तथा ममुदउल्लाहले २७ र लिटोन दासले १६ रन जोडे । अफगानिस्तानका मुजिब उर रहमानले ३ विकेट लिए । गुल्बादीन नाइबले २ तथा दवलत जाड्रन र मोहमद नावीले एक एक विकेट लिए ।

प्रतियोगितामा यसजितसँगै तेस्रो जित निकालेको बंगलादेशले हाफ्नो शीर्ष चारमा पुग्ने सम्भावना कायम राखेको छ । बंगलादेशले ७ खेलबाट ७ अंक जोड्दै पाँचौ स्थानमा उक्लिएको छ । फगानिस्तानको भने यो लगातार साँतौ हार हो ।