पाकिस्तान विजयी, दक्षिण अफ्रीका बाहिरियो

एजेन्सी- पाकिस्तानसँग पराजित भएसँगै आइसिसी एकदिवसीय विश्वकप क्रिकेटबाट दक्षिण अफ्रिका बाहिरिएको छ । आइतबार भएको खेलमा पाकिस्तानसँग ४९ रनले पराजित हुँदै दक्षिण अफ्रिका विश्वकपबाट बाहिरिएको हो । 

पाकिस्तानले दिएको ३ सय ९ रनको लक्ष्य पछ्याएको दक्षिण अफ्रिकाले ५० ओभरमा ९ विकेट गुमाएर मात्र २५९ रन बनाउन सक्यो । दक्षिण अफ्रिकाका लागि कप्तान फाप डु प्लेसिसले ६३ रनको अर्धशतकीय पारी खेले पनि टोलीको जितका लागि प्रयाप्त हुन सकेन् । 

त्यस्तै व्किनटन डी ककले ४७ रन जोड्दा एडिले लक्कीले अविजित ४६ रन बनाए । त्यस्तै भान डेर डुसेनले ३६ तथा डेभिड मिल्लरले ३१ रन जोडे । पाकिस्तानका शादब खान र वाहब रियाजले तीन तीन विकेट लिए । यस्तै मोहमद आमिरले २ विकेट लिए ।

यसअघि टस जितेर पहिले ब्यटिङ थालेको पाकिस्तानले निर्धारित ५० ओभरमा ७ विकेट गुमाउँदै ३ सय ८ रन बनाएको थियो । पाकिस्तानको पहिलो विकेटका लागि ओपनर ब्याट्सम्यान फखर जमानले अर्का ओपनर ब्याट्सम्यान इमाम उलल हकसँग ८१ रनको साझेदारी गरेका थिए । फखरले ५० बलमा ६ चौका र १ छक्काको मद्दतमा ४४ रन जोडेका थिए । 

त्यसपछि दोस्रो विकेटको रुपमा गुमाएको इमामले पनि ४४ रनको योगदान दिए । उनले ५८ बलमा ६ चौकमा प्रहार गर्दै ४४ रन जोडका हुन् । तेस्रो विकेटका रुपमा मोहम्मद हाफीजलाई २० रनमा गुमाउँदा चौथो विकेटको रुपमा बाबर अजामले अर्धशतकीय पारी खेले । 

फखर पेभिलिएन फर्किएपछी मैदान छिरेका बाबरले ८० बलमा ७ चौकाको मद्दतमा ६९ रन जोडे । त्यस्तै मोहम्मदको स्थानमा मैदान छिरेका हरिस सोहाइलले पनि अर्धशतकीय पारी खेले । उनले ५९ बलमा ९ चौका र ३ छक्का प्रहार गर्दै ८९ रनको अर्धशतकीय पारी खेलेका हुन् । इमाद वासिमले २३ रन जोडे । 

दक्षिण अफ्रीकाका लागि लुङ्गी नगिडीले तीन विकेट लिए । त्यस्तै इमरान ताहिरले दुई तथा एन्डीले फेहलुक्वायो र एइडेन मारक्रमले एक एक विकेट लिए ।