दक्षिण अफ्रीकाका लागि पाकिस्तानको विशाल लक्ष्य

एजेन्सी- आइसिसी एकदिवसीय विश्वकप क्रिकेटमा पाकिस्तानले जितका लागि दक्षिण अफ्रीकालाई ३ सय ९ रनको विशाल लक्ष्य सुम्पेको छ । टस जितलेर पहिले ब्यटिङ थालेको पाकिस्तानले निर्धारित ५० ओभरमा ७ विकेट गुमाउँदै ३ सय ८ रन बनाएको हो । 

पाकिस्तानको पहिलो विकेटका लागि ओपनर ब्याट्सम्यान फखर जमानले अर्का ओपनर ब्याट्सम्यान इमाम उलल हकसँग ८१ रनको साझेदारी गरेका थिए । फखरले ५० बलमा ६ चौका र १ छक्काको मद्दतमा ४४ रन जोडेका थिए । 

त्यसपछि दोस्रो विकेटको रुपमा गुमाएको इमामले पनि ४४ रनको योगदान दिए । उनले ५८ बलमा ६ चौकमा प्रहार गर्दै ४४ रन जोडका हुन् । तेस्रो विकेटका रुपमा मोहम्मद हाफीजलाई २० रनमा गुमाउँदा चौथो विकेटको रुपमा बाबर अजामले अर्धशतकीय पारी खेले । 

फखर पेभिलिएन फर्किएपछी मैदान छिरेका बाबरले ८० बलमा ७ चौकाको मद्दतमा ६९ रन जोडे । त्यस्तै मोहम्मदको स्थानमा मैदान छिरेका हरिस सोहाइलले पनि अर्धशतकीय पारी खेले । उनले ५९ बलमा ९ चौका र ३ छक्का प्रहार गर्दै ८९ रनको अर्धशतकीय पारी खेलेका हुन् । इमाद वासिमले २३ रन जोडे । 

दक्षिण अफ्रीकाका लागि लुङ्गी नगिडीले तीन विकेट लिए । त्यस्तै इमरान ताहिरले दुई तथा एन्डीले फेहलुक्वायो र एइडेन मारक्रमले एक एक विकेट लिए ।