आर्मीसँग फ्रेन्ड्स क्लब पराजित

काठमाडौं- ललित स्मृति कप यू-१८ च्याम्पियनसिप फुटबल विभागीय टिम त्रिभुवन आर्मी क्लबले फ्रेन्ड्स क्लबलाई पराजित गरेको छ । आइतबार भएको खेलमा आर्मीले फ्रेन्ड्स क्लबलाई २-० गोलले पराजित गरेको हो । 

आर्मीको जितका लागि विशाल बस्नेत र जय अधिकारीले एक एक गोल गरे । आर्मीले दुबै गोल खेलको पहिलो हाफमा गरेको थियो । खेलको चौथो मिनेटमा नै विशालले गोल गर्दै आर्मीलाई अग्रता दिलाएका थिए । 

त्यस्तै ३८ औं मिनेटमा जय अधिकारीले गोल गर्दै आर्मीलाई पहिलो हाफमा २-० को अग्रता दिलाएका थिए । दोस्रो हाफमा दुबै टोलीबाट कसुनै थप गोल हुननसक्दा खेल आर्मीले २-० ले जितेको हो । 

यस जितसँगै समूह ‘बी’मा रहेको आर्मीले ३ अंक जोडेको छ । फ्रेन्ड्सले हारबाट प्रतियोगिताको सुरुवात गरेको छ । लिग कम नकआउट पद्वतीमा सञ्चालन हुने प्रतियोगिताको विजेताले टोलीले ३ लाख रुपैयाँ प्राप्त गर्नेछ भने उपविजेताले १ लाख ५० हजार रुपैयाँ पाउनेछ । सहभागि १४ टिमलाई तीन समूहमा विभाजन गरिएको छ ।