न्युजल्यान्ड शीर्ष स्थानमा, वेस्टइन्डिज पराजित

एजेन्सी- वेस्टइन्डिजलाई पराजित गर्दै न्युजल्यान्ड आइसिसी एकदिवसीय विश्वकप क्रिकेटको शीर्ष स्थानमा उक्लिएको छ । शनिबार राति भएको खेलमा वेस्टइन्डिजलाई ५ रनले पराजित गर्दै न्युजल्यान्ड शीर्ष स्थानमा उक्लिएको हो ।

न्युजल्यान्डले दिएको २ सय ९२ रनको लक्ष्य पछ्याएको वेस्टइन्डिजले ४९ ओभरमा सबै विकेट गुमाउँदै मात्र २ सय ८६ रन बनाउन सक्यो । वेस्टयन्डिजका लागि लागि कार्लोस ब्रैथवेटले १ सय १ रनको शतकीय पारी खेले पनि टोलीको जितका लागि प्रयाप्त हुन सकेन । त्यस्तै क्रिस गेलले ८७ रनको अर्धशतकीय पारी खेल्दा शिम्रोन हिटमायरले ५४ रन बनाए । न्युजल्यान्डका ट्रेण्ड बोल्टले ४ तथा लक्की फर्गुसनले ३ विकेट लिए ।

यसअघि टस हारेर पहिले ब्याटिङको निम्तो पाएको न्युजल्यान्डले निर्धारित ५० ओभरमा ८ विकेट गुमाउँदै २ सय ९१ रन जोडेको थियो । खराव सुरुवात गरेको न्युजल्यानडका लागि कप्तान केनले उत्कृष्ट शतकीय पारी खेल्दै टोलीको स्केर उकासेका थिए । वेस्टइन्डिजका शेल्डोन कोट्रेलको पहिलो ओभरको पहिलो बलमा नै मार्टिन गुप्टिल एलबिडब्लु आउटै हुँदै पेभिलिएन फर्किए पछि मैदान छिरेका केनले शतकीय पारी खेले । 

सोहि ओभरको पाँचौ बलमा कोलिन मोन्रो पेभिलिएन फिर्कए पछि धरमराएको न्युजल्यान्डको ब्याटिङलाई कप्तानी पारी खेल्दै उकासेका थिए । उनले तेस्रो विकेटका लागि रोज टेयलरसँगै १६० रनको साझेदारी गरे । केनले १५४ बलमा १४ चौका र १ छक्का प्रहार गर्दै १ सय ४८ रनको उत्कृष्ट शतकीय पारी खेलेका हुन् । यो जारी विश्वकपमा उनको दोस्रो शतक हो । 

त्यस्तै रोज टेयलरले अर्धशतकीय पारी खेले । उनले ९५ बलमा ७ चौकाको मद्दतमा ६९ रनको योगदान दिए । जेम्स नीशामले २८, कोलिन डि ग्रान्डोम्मेले १६, टोम लाथमले १२ र माचिले सान्टनरले १० रन जोडे । वेस्टइन्डिजका लाीग शेल्डोन कोट्रेलले सर्वाधिक चार विकेट लीए । त्यस्तै कार्लोस ब्राथवेटेले दुई तथा क्रिस गेलले एक विकेट लिए । यसजितसँगै न्युजिल्याण्डले ६ खेलबाट ११ अंक जोडेको छ । पराजित वेष्ट इण्डिजले ६ खेलबाट ३ अंक जोडेको छ ।