केनको शतकको मद्दतले वेस्टइन्डिजलाई मध्यम लक्ष्य

एजेन्सी- कप्तान केन विलियम्सको शतकको मद्दतले आइसिसी एकदिवसीय विश्वकप क्रिकेटमा न्युजल्यान्डले वेस्टइन्डिजलाई जितका लागि २ सय ९२ रनको मध्यम लक्ष्य प्रस्तुत गरेको छ । टस जितेर पहिले ब्याटिङको निम्तो पाएको न्युजल्यान्डले निर्धारित ५० ओभरमा ८ विकेट गुमाउँदै २ सय ९१ रन जोडेको हो ।

खराव सुरुवात गरेको न्युजल्यानडका लागि कप्तान केनले उत्कृष्ट शतकीय पारी खेल्दै टोलीको स्केर उकासेका थिए । वेस्टइन्डिजका शेल्डोन कोट्रेलको पहिलो ओभरको पहिलो बलमा नै मार्टिन गुप्टिल एलबिडब्लु आउटै हुँदै पेभिलिएन फर्किए पछि मैदान छिरेका केनले शतकीय पारी खेले । 

सोहि ओभरको पाँचौ बलमा कोलिन मोन्रो पेभिलिएन फिर्कए पछि धरमराएको न्युजल्यान्डको ब्याटिङलाई कप्तानी पारी खेल्दै उकासेका थिए । उनले तेस्रो विकेटका लागि रोज टेयलरसँगै १६० रनको साझेदारी गरे । केनले १५४ बलमा १४ चौका र १ छक्का प्रहार गर्दै १ सय ४८ रनको उत्कृष्ट शतकीय पारी खेलेका हुन् । यो जारी विश्वकपमा उनको दोस्रो शतक हो । 

त्यस्तै रोज टेयलरले अर्धशतकीय पारी खेले । उनले ९५ बलमा ७ चौकाको मद्दतमा ६९ रनको योगदान दिए । जेम्स नीशामले २८, कोलिन डि ग्रान्डोम्मेले १६, टोम लाथमले १२ र माचिले सान्टनरले १० रन जोडे । वेस्टइन्डिजका लाीग शेल्डोन कोट्रेलले सर्वाधिक चार विकेट लीए । त्यस्तै कार्लोस ब्राथवेटेले दुई तथा क्रिस गेलले एक विकेट लिए ।