अफगानिस्तालाई भारतको सामान्य लक्ष्य

एजेन्सी- आइसिसी एकदिवसीय विश्वकप क्रिकेटमा भारतीय क्रिकेट टोलीले अफगानिस्तानलाई जितका लागि २ सय २५ रनको सामान्य लक्ष्य सुम्पेको छ । टस जितेर पहिले ब्याटिङ गर्ने निर्णय गरेको भारतले निर्धारित ५० ओभरमा ८ विकट गुमाउँदै २ सय २४ रन जोडेको हो ।
 
भारतका लागि कप्तान विराट कोहलीले अर्धशतकीय पारी खेले । ओपरन ब्याट्सम्यान रोहित शर्मा १ रनमा पेभिलियन फर्के पछि मैदान प्रवेश गरेका कप्तान कोहलीले ६७ रनको अर्धशतकीय पारी खेलेका हुन् । 

उनले ६३ बलमा ५ चौका प्रहार गर्दै ६७ रनको योगदान दिए । कोहलीले दोस्रो विकेटका लागि अर्का ओपनर ब्याट्सम्यान केएल राहुलसँग ५८ रनको साझेदारी गरेका थिए । राहुल ५३ बलमा २ चौका प्रहार गर्दै ३० रनमा पेभिलिएन फर्किए ।

त्यस्तै केदार जाधवले अर्धशतकीय पारी खेले । उनले ६७ बलमा ३ चौका र १ छक्काको मद्दतमा ५२ रनको अर्धशतकयि पारी खेलेका हुन् । विजय शंकरले ४१ बलमा २ चौका सहित २९ रन जोड्दा महेन्द्र सिंह धोनीले ५२ बलमा ३ चौका सहित २८ रन जोडे ।

अफगानिस्तानका लागि मोहम्मद नाबी र गुल्बादिन नाइबले दुई दुई विकेट लिए । त्यस्तै मुजिव उर रहमान, राशिद खान, अफताब आलम र रहमत शाहले एक एक विकेट लिए ।