एसइई फुटसल कपको उपाधि समृद्धिलाई 

काठमाडौं- नाइटिङ्गेल कलेजको आयोजनामा सञ्चालीत दुई दिने एसइई फुटसल कपको समृद्धि उपाधि कलेजले जितेको छ । शुक्रबार भएको फाइनल खेलमा आयोजक टोलीलाई पराजति गर्दै प्रतियोगिताको उपाधि समृद्धि प्लस टुले जितेको हो ।  

कुपण्डोल सानेपास्थित नाइटिङ्गेल कलेजको फुटसल मैदानमा नकआउट पद्धतीमा भएको खेलमा ८ टिमको सहभागीता रहेको थियो।  एसइई दिइएर बसेका विद्यार्थीहरुको समुहमिलाएर ८ वटा टीमका विभाजन गरिएको थियो ।  

प्रतियोगिताको विजेता बनेको समृद्धिले २० हजार नगद सहित ट्रफी, मेडल र प्रमाणपत्र प्राप्त गर्यो । विधागततर्फ समृद्धिका चन्दनकुमार दास बेष्ट प्लेयर घोषित भए । त्यस्तै नाइटिङ्गेलका निखिल कार्की वेष्ट किपर तथा नाइटिङ्गेलकै पुकार बलामी हाई स्कोरर घोषित भए ।  

विधागत तर्फ विजेता खेलाडीले आयोजक नाइटिङेगेल कलेजको तर्फबाट नगद पुरस्कार, मेडल र सर्टिफिकेट सहित कक्षा ११ मा अध्ययनका लागि पूर्ण छात्रवृत्ति पाएका छन् । 

वितेता खलाडीलाई कार्यक्रमका प्रमुख अतिथि नाइटिङ्गेल कलेजका संस्थापक तथा सांसद तेजुलाल चौधरीले नगद पुरस्कार, मेडल र सर्टिफिकेट प्रदान गरेका थिए । त्यसैले सांसद चौधरीले नाइटिङ्गेल कलेजका विद्यार्थीहरुका लागि अन्तराष्ट्रिय स्तरको फुटसल मैदान, क्रिकेट पिचलगायत टेबल टेनिस र अन्तराष्ट्रिय कोचहरुद्वारा भलिबल प्रशिक्षण गराउने प्रतिबद्धता गरे ।