नेयमारका लागि बार्सिलोनाको यस्तो प्रस्ताव 

एजेन्सी- स्पेनिस महारथी क्लब बार्सिलोनाले पेरिस सेन्ट जर्मन (पिएसजी)बाट ब्राजिलियन स्टार खेलाडी नेयमालाई क्लबमा फिर्ता बोलाउन पहिलो पटक प्रस्ताव गरेको छ । बार्सिलोनाले नेयरमालाई क्लबमा फिर्ता गर्न मोटो रकमको प्रस्ताव गरेको हो । 

बार्सिलोनाले आफ्ना ब्राजिलियन खेलाडी फिलिप्पे काउटिन्होसँगै १०० मिलियन युरोको प्रस्ताव गरेको अन्तर्राष्ट्रिय संचार माध्यमले जनाएको छ । रिपोर्टका अनुसार २७ वर्षीय नेयमार पनि बार्सिलोनामा पुनः अनुबन्ध हुन् उत्साहित भएको जनाएको छ । त्यस्तै नेयमारले मोटो रकम र एक स्टार खेलाडीको प्रस्ताव पिएसजीले स्विकार गर्नेमा विश्वस्त रहेको बताएका छन् । 

यसअघि नेयमारका लागि अर्को स्पेनिस महारथी क्लब रियल मड्रिडले आफ्नो स्टार खेलाडीसँगै मोटो रकमको प्रस्तान गर्ने तयारी गरेको जनाइएको थियो । रियलले नेयमारका लागि ग्यारेथ बेललाई दिने रियलका प्रशिक्षक जिनेदिन जिदानले बताएका थिए । 

पछिल्लो समय नेयमरा खुट्टाको चोटका कारण मैदान बाहिर रहेका छन् । कतारसँगको अन्तर्राष्ट्रिय मैत्रिपूर्ण खेलमा चौट पुनः बल्झिएपछि उनी घरेलु मैदानमा आयोजना भएको कोप अमेरिकाको टोलीबाट नै बाहिरिएका थिए ।