‘पिएसजी छोड्न नेयमारको ढोका खुल्ला’

एजेन्सी- ब्राजिलियन स्ट्राइकर नेयमारले पेरिस सेन्ट जर्मन (पिएसजी)का अध्यक्ष नाजिर अल खेलाइफीसँग आफु बार्सिलोना जान चाहेको बताएका छन् । स्पेनिस मिडियाका अनुसार नेयमारले स्पेनिस क्लब बार्सिलोनामा फर्किन चाहेको बताइएको हो । 

२७ वर्षीय नेयमारले आफु पिएसजीमा खुसी नरहेको र बार्सिलोना फर्किन चाहेको रिपोर्टमा उल्लेख छ । मुन्डो डिपोर्टिभोका अनुसार नेयमारले व्यक्तिगत रुपमा क्लबमा अध्यक्ष अल खेलाइफीसँग भेटरेरै आफ्नो बार्सिलोना फर्किन चाहेको इच्छा व्यक्त गरेका जनाएको छ । 

‘म यो भन्दा बढी पिएसजीका लागि खेल्न सक्दीन् । म त्यो घर जान चाहन्छु, जहाँ कहिलै छोड्ने छैन्,’ नेयमारले अध्यक्ष अल खेलाइफीसँग भनेको रिपोर्टको दाबी छ । 

रिपोर्टमा यो पनि उल्लेख गरिएको छ की पिएसजीका प्रशिक्षक थोमस टुचेलले नेयमारका लागि बाटो खुल्ला गरिसकेको जनाएको छ । यसैसाता अध्यक्ष अल खेलाइफीले पनि नेयमारका लागि पहिलो पटक बाटो खुल्ला गरेका बताएका छन् ।