दक्षिण अफ्रीकाले दियो न्युजल्यान्डलाई मध्यम लक्ष्य

एजेन्सी- ‘गर या मार’को अवस्थामा रहेको दक्षिण अफ्रीकाले न्युजल्यान्डलाई जिलका लागि २ सय ४२ रनको लक्ष्य सुम्पेको छ । बर्षाले प्रभावित भएपछि ४९ ओभरमा छोट्याइएको खेलमा दक्षिण अफ्रीकाले ६ विकेट गुमाउँदै २ सय ४१ रन जोडेको हो । 

खराब सुरुवात गरेको दक्षिण अफ्रीकाका लागि रसिए भान डेर डुसेन र हशिम अमलाले अर्धशतकीय पारी खेले । डुसेनले ६४ बलमा २ चौका र ३ छक्का प्रहार गर्दै ६७ रनको अर्धशतकीय पारी खेलेका हुन् । 

त्यस्तै अमलाले ८३ बलमा ४ चौकाको मद्दतमा ५५ रनको अर्धशतकीय पारी खेलेका हुन् । एइडेन मारक्रमले ३८ रनको योगदान दिए । उनले ५५ बलमा ४ चौका प्रहार गर्दै ३८ रन जोडे । डेभिड मिलरले ३७ बलमा २ चौका र १ छक्का प्रहार गर्दै ३६ रन जोडे । फाफ डुप्लेसीले ३५ बलमा ४ चौका सहित २३ रनको योगदान दिए । 

पहिलो विकेटको रुपमा क्वुन्टन डिककलाई ९ रन पुग्दा गुमाएको दक्षिण अफ्रीकाले दोस्रो विकेटको रुपमा टोलीको ५९ रन पुग्दा डुप्लेसीलाई गुमाएको थियो । धरमराएको सुरुवाती ब्याट्सम्यानलाई केही हदसम्म सम्हाल्ने प्रयास गरेका अमला टोलीको १११ रन पुग्दा २८ औं ओभरमा पेभिलियन फर्किए । 

चौथो विकेटको रुपमा मारक्रमलाई गुमाएको दक्षिण अफ्रीकाले पाँचौ विकेटको रुपमा ४५ औं ओभरमा टोलीको २०५ रन पुग्दा मिलरलदाई गुमाएको थियो । न्युजल्यान्डका लागि फेर्गुसुनले तीन तथा ट्रेन्ट बोल्ट, कोलिन ग्रान्डोमी र मिचेल सान्टनरले एक एक विकमेट लिए ।