पोग्वाको रोजाई युभेन्ट्स, रियलको चाहना पोग्वा

एजेन्सी- म्याचेस्टर युनाईटेडका मिडफिल्डर पाउलो पोग्वाले स्पेनिस ला लिगा क्बल रियल मड्रिड भन्दा इटालीयन सिरी ए क्लब युभेन्ट्स आफ्नो पहिलो रोजाईमा रहेको बताएका छन् । उनले सार्वजनिक रुपमा स्विकार गर्दै ओल्ड ट्राफोर्ड छोड्न चोहेको समेत बताएका हन् ।

फ्रान्सेली मिडफिल्डर पोग्वालाई अनुबन्ध गर्न रियल मड्रिड र युभेन्ट्स इच्छुक रहेका छन् । सिरी ए च्याम्पियन्सले पोग्वालाई अनुबन्धका लागि उनका एजेन्ड मिनो राइओलासँग छलफल गरिरहेको बताएको छ । 

यता रियलका मुख्य प्रशिक्षक जिनेदिन जिदानले पोग्वालाई आफ्नो मुख्य स्क्वार्डमा समावेश गर्न क्लबलाई समेत दबाब दिइरहेका छन् । तर, डि मार्जिओका अनुसार पोग्वाले युभेन्ट्सलाई आफ्नो पहिलो रोजाइमा राखेको बताएका छन् । 

रिपोर्टका अनुसार युभेन्ट्स आफ्ना पूर्व खेलाडी पोग्वालाई पनुः क्लबमा फर्काउन गृहकार्य गरिरहेको छ । पोग्वाले युभेन्ट्समा २०१२ देखी २०१६ सम्म गरी ४ सिजन सिरी ए मा विताएका थिए । 

यता युनाइटेडले भने उनलाई बेच्ने वा नबेच्ने कुनै संकेत दिएका छैनन् । तर, इटालियन रिपोर्टका अनुसार क्लब १५० मिलियन युरोमा सम्झौताका लागि तयार भएको खुलाएको छ ।