ब्राजिल भेनेजुयलासँग बराबरीमा रोकियो 

एजेन्सी- घरेलु टोली ब्राजिल जारी ओपा अमेरिका फुटबल अन्तरगत आफ्नो दोस्रो खेलमा भेनेजुयलासँग बराबरीमा रोकिएको छ । बुधबार बिहान भएको खेलमा ब्राजिल भेनेजुयलासँग गोल रहित बराबरीमा रोकिएको हो ।

पुरै समय खेलमा ब्राजिलले पकड जमाए पनि गोल गर्न भने सकेनन् । ब्राजिलले भेनेजुयलाको पोस्टमा बारम्बार प्रहार भने गरि रह्यो । तर, उक्त प्रहारलाई घरेलु टोलीले गोलमा परिणत गर्न भने सकेनन् । 

ब्राजितलले दोस्रो हाफमा अझै आक्रमक खेल खेलेकेको थियो । दोस्रो हाफमा दुई गोल समेत गरेको थियो । तर, उक्त गोल रेफ्रीले मान्यता नदिदा ब्राजिलले भेनेजुयलासँग गोल रहित बराबरी खेलेको हो । 

यस बराबरीसँगै ब्राजिल समूह ‘ए’को शीर्ष स्थानमा उक्लिएको छ । दुई खेल खेलेको ब्राजिल एकमा जित र एक खेलमा बराबरी सहित ४ अंक जोडेर समूहको शीर्ष स्थानमा उक्लिएको हो । समान खेलमा समान अंक भएको पेरु गोल अन्तरका आधारमा दोस्रो स्थनमा छ । भेनेजुयला २ अंक जोड्दै तेस्रो स्थानमा छ ।