पेरुसँग बोलिभिया पराजित

खेलमा पुनरागमन जित निकालेको पेरुको जिताका लागि पाओलो गुरेरो, जेफरसन फार्फन र ईडिसन फ्लोरिसले एक एक गोल गरे । कोलिभियाका लागि मार्सेलो मोरेनोले एक गोल गरेका थिए । 

खेलमा सुरुवाती अग्रता भने बोलिभियाले गरेको थियो । २८ औं मिनेटमा मार्सेलो मोरेनोले पेनाल्टीमा गोल गर्दै बोलिभियालाई अग्रता दिलाए । तर, पहिलो हाफको अन्तिम मिनेटमा पेरुका लागि पाओलो गुरेरोले गोल गर्दै खेल १-१ को बराबरीमा ल्याए । 

त्यस्तै ५५ औं मिनेटमा जेफरसन फार्फनले गोल गर्दै पेरुलाई अग्रता २-१ को दिलाए । त्यसपछि खेलको एन्जुरी समयमा ईडिसन फ्लोरिसले गोल गर्दै पेरुलाई महत्वपूर्ण तीन अंक दिलाए। 

यस जितसँगै समुह ‘ए’मा रहेको पेरुले दुई खेलबाट ४ अंक जोड्दै तालिकाको शीर्ष स्थानमा उक्लिएको छ । पराजित बोलिभिया अंक विहिन हुदै पुछारमा छ ।