मोर्गनको सानदार शतकमा अफगानिस्तानलाई विशाल लक्ष्य

एजेन्सी- कप्तान इओन मोर्गनको शानदार शतकको मद्दतले आयोजन इंग्ल्यान्डले अफगानिस्तानलाई ३ सय ९८ रनको विशाल लक्ष्य सुम्पेको छ । टस जितेर पहिले ब्याटिङ गर्ने निर्णय गरेको इंग्ल्यान्डका लागि कप्तान मोर्गनले मात्र ७१ बलमा आक्रमक ब्याटिङ गर्दै शानदार १ सय ४८ रनको पारी खेले। 

उनले मात्र ७१ बलमा ४ चौका र १७ छक्का प्रहार गर्दै १ सय ४८ रनको सानदार पारी खेलेका हुन् । इंग्ल्यान्डले निर्धारित ५० ओभरमा मात्र ६ विकेट गुमाउँदै ३ सय ९७ रन जोड्दा पहिलो विकेटका लागि ब्रेस्टो र भेन्सले ४४ रनको साझेदारी गरेका थिए । तर, दोस्रो विकेटका लागि ब्रेस्टोले रुटसँग मिलेर १२० रनको साझेदारी गरेका थिए । 

जोनी ब्रेस्टो शतक बनाउनबाट मात्र १० रनाले चुके । उनले ९९ बलमा ८ चौका र ३ छक्का प्रहार गर्दै ९० रनको उत्कृष्ट अर्धशतकीय पारी खेलेका हुन् । त्यस्तै जोइ रुटले ८८ रनको योगदान दिए । 

उनले ८२ बलमा ५ चौका र १ छक्का प्रहार गर्दै ८८ रनको उत्कृष्ट पारी खेले । जेम्स भेन्सले २६ रनको योगदान दिँदा मोइन अलीले आक्रमक ब्याटिङ गर्दै मात्र ९ बलमा १ चौका र ४ छक्का सहित ३१ रनमा अविजित रहे । अफगानिस्तानका लागि गुल्बादिन नाइब र दव्लत जाड्रनले तीन तीन विकेट लिए ।