सलाहले गरे रियल र युभेन्टसको प्रस्ताव अस्विकार 

एजेन्सी- इजिप्टियन तथा लिभरपुलका स्ट्राइकर मोहमद सलाहले स्पेनिस ला लिगा क्लब रियल मड्रिड र इटालियन सिरी ए क्लब युभेन्ट्सको प्रस्ताव अस्विकार गरेका छन् । उनले रियल र युभेन्ट्सको १५० मिलियन पाउण्डको प्रस्तव अस्विकार गरेको अन्तर्राष्ट्रिय संचार माध्यम दी मिरोरले जनाएको छ । 

रियल र युभेन्ट्सले ठुलो रकमको प्रस्ताव गरे पनि सलाहले अर्को सिजन सम्म पर्खिन आग्रह गरेका छन् । उनले यस सिजन इंग्लिस क्लब लिभरपुलमै रहने र अर्को सिजनको अन्त्यमा जे पनि हुन सक्ने प्रतिक्रिया दिएका छन् । 

जुर्गन क्लोपले आफुलाई सलाहको रुची थाहा भएको र उनलाई गुमाउनेप्रति चिन्ता रहेको बताइएका छन् । त्यस्तैले क्लोपले क्लबका उच्च पदाधिकारीसँग छलफल गरेको जनाएको छ । 

हाल राष्ट्रिय टोली बाहिर रहेका सलाहले यो समय क्लब छोड्नका लागि उचित साय नभएको बताएका छन् । त्यस्तै उनका सहकर्मी साडिओ मानेलाई पनि यस सिजनको अन्त्यमा क्लब छोड्ने जनाएको थियो । तर, हाल सम्म मानेको कुनै त्यस्तो सोच नरहेको क्लबले जनाएको छ ।