अष्ट्रेलिया शीर्ष स्थानमा, दक्षिण अफ्रीकाको पहिलो जित

एजेन्सी- श्रीलंकाकालाई पराजित गर्दै अष्ट्रेलिया आएसिसी एकदिवसीय विश्वकप क्रिकेटको शीर्ष सथनमा उक्लिएको छ । शनिबार भएको खेलमा अष्ट्रेलियाले श्रीलंकाकालाई ८७ रनले पराजित गर्दै अंक तालिकाको शीर्ष स्थानमा उक्लिएको हो । 

अष्ट्रेलियाले दिएको ३ सय ३५ रनको लक्ष्यपछ्याएको श्रीलंकाले ४५.५ ओभरमा सबै विकेट गुमाउँदौ मात्र २ सय ४७ रन बनाउन सक्यो । श्रीलंकाका लागि कप्तान दिमुथ करुनारत्ने र कुशल परेराले अर्धशतकीय पारी खेले पनि टोलीको जितका लागि प्रयाप्त हुन सकेन् । 

कप्तान दिमुथले ९७ रनको उत्कृष्ट अर्धशतकीय पारी खेलेका गिए । उनले १०९ बलमा ९ चौकाको मद्दतमा ९७ रनको अर्धशतकीय पारी खेलेका हुन् ।  त्यस्तै कुशल परेराले ५२ रनको अर्धशतकीय पारी खेले । उनले ३६ बलमा ५ चौका र १ छक्का सहित ५३ रन जोडे ।  

कुशल मेन्डिसले ३० तथा लाहिरु थिरिमाने र धनन्जन्य सिल्भाले १६-१६ रन जोड्न बाहेक अन्य ब्याट्सम्याले दोहोरो अंकमा रन बटुल्न सकेनन् ।  श्रीलंकालाई सस्तैमा रोक्न अष्ट्रेलियाका मिचेल स्टार्कले ४ विकेट लिए । त्यस्तै केन रिचार्डसनले ३, पाट कुम्निसले २ र जोसनले १ विकेट लिए ।

यसअघि टस हारेर पहिले ब्याटिङको निम्तो पाएको अष्ट्रेलियालका लागि कप्तान आरोन फिन्चको शतकीय पारीको मद्दतले ७ विकेट गुमाउँदै ३ सय ३४ रन जोडेको थियो । उत्कृष्ट सुरुवात गरेको अष्ट्रेलियाका लागि फिन्चले १३२ बलको सामना गर्दै १५ चौका र ५ छक्काको मद्दतमा १५३ रनको उत्कृष्ट शतकीय पारी खेलेका हुन् ।

त्यस्तै स्टिव स्मिथले मात्र ५९ बलमा ७ चौका र १ छक्का सहित ७३ रन जोडे । ग्लेन म्याक्सवेल ४६, डेभिड वार्नर २६ र स्मान ख्वाजा १० रनमा पेभिलियन फर्किए । श्रीलंकाका लागि धनन्जन्य डे सिल्भा र इसुरु उदानाले समान दुई दुई विकेट लिए । त्यस्तै लसिथ मलिङ्गाले एक विकेट लिए ।

त्यस्तै शनिबारनै भएको दोस्रो खेलमा दक्षिण अफ्रिकाले पहिलो जित निकालेको छ । खेल बर्षले प्रभावित पारे पछि डीएल पद्दतिको आधारमा अफगानिस्तानलाई ९ विकेटले पराजित गर्दै दक्षिण अफ्रिकाले प्रथियोगितामा पहिलो जित निकालेको हो ।

वर्षाले प्रभावित गरेपछि ४८ ओभरमा झारिएको खेलमा अफगानिस्तानले दक्षिण अफ्रिकालाई जितका लागि १२६ रनको सामान्य लक्ष्य दिएको थियो । जवाफमा अफगानिस्तानले दिएको सामान्य लक्ष्य दक्षिण अफ्रिकाले २८.४ ओभरमा मात्र १ विकेट गुमाएर पुरा गर्यो ।

दक्षिण अफ्रिकाको जितमा लागि क्विनटन डी ककले ६८ रनको अर्धशतकीय पारी खेले । यस्तै हासिम अमलाले अविजित ४१ रन जोड्दा एडिले लक्कीले अविजित १७ रन जोडे । अफगानिस्तानका गुल्बादीन नाइबले १ विकेट लिए ।

यसअघि टस हारेर पहिले ब्याटिङ गरेको अफगानिस्तानले ३४.१ ओभरमा सबै विकेट गुमाउँदै मात्र १२५ रन बनाएको थियो । अफगानिस्तानका लागि राशिद खानले ३५, नुर अली जाड्रानले ३२ तथा हजरातउल्लाह जजाईले २२ रन बनाए । दक्षिण अफ्रिकाका इमरान ताहिरले ४ विकेट लिए । यस्तै क्रिस मोरिसले ३ विकेट लिए ।