ब्राजिलको जितमा काउटिन्हो नायक

एजेन्सी- घरेलु मैदानमा शनिबारबाट सुरु भएको कोपा अमेरिकाको उद्घाटन खेलमा फिलिप्पे काउटिन्हो चम्कदा ब्राजिलले सहज जित निकालेको छ । शनिबार बिहान भएको खेलमा ब्राजिलले बोलिवीयामाथी ३-० को सहज जित निकालेको हो । 

ब्राजिलको जितका लागि काउटिन्होले दुबै तथा एभर्टन सुआरेजले एक गोल गरे । पहिलो हाफमा गोलरहित बराबी भएको खेलको ५० औं मिनेटमा काउटिन्होले पेनाल्टीमा गोल गर्दै घरेलु टोलीलाई अग्रता दिलाएका थिए। 

त्यसको तीन मिनेट नबित्दै काउटिन्होले व्यक्तिगत दोस्रो गोल गरे । उनले रोबर्टो फिर्मिन्नोको पासमा दोस्रो गोल गरेका हुन् । त्यस्तै ८५ औं मिनेटमा एभर्टनले गाेल गर्दै ब्राजिललाई ३-० काे जित दिलाए । मैदानमा पसेको चार मिनेट नबित्दै एभर्टनले फर्नान्डिन्होकाे पासमा गाेल गरेका हुन् ।

उनी खेलको ८१ औं मिनेटमा डेभिड नेरेसकाे स्थानमा मैदान प्रवेश गरेका थिए । यस जितसँगै समूह ‘ए’ मा हरेको ब्राजिलले प्रतियोगितामा सुखद सुरुवात गरेको छ । अब आफ्नो दोस्रो खेल ब्राजिलले बुधबार भेनेजुएलासँग खेल्ने छ ।