रुटको अलराउण्डर प्रदर्शनमा इंग्ल्यान्ड विजयी

एजेन्सी- आइसिसी एकदिवसीय विश्वकप क्रिकेटमा जोय रुटले अलराउण्डर प्रदर्शन गरेपछि इंग्ल्यान्डले सहज जित निकालेको छ । शुक्रबार भएको खेलमा इंग्ल्यान्डले वेस्टइन्डिजमाथी ८ विकेटको सहज जित निकालेको हो। 

वेस्टइन्डिजले दिएको २ सय १३ रनको मध्यम लक्ष्य पछ्याएको इंग्ल्यान्डले मात्र ३३.१ ओरभमा दुई विकेट गुमाएर पुरा गर्यो । इंग्ल्यान्डको जितमा अलराउण्डर प्रदर्शन गरेका जोय रुटले शतकीय पारी खेले । उनले ९४ बलमा ११ चौकाको मद्दतमा १०० रनको अविजित पारी खेलेका हुन् । रुटको यो जारी विश्वकपमा दोस्रो शतक हो । 

यस्तै जोनी ब्रैस्टोले ४६ बलमा ७ चौका सहित ४५ रन जोड्दा क्रिस वोक्सले ५४ बलमा ४ चौका सहित ४० रन जोडे। बेन स्टोक्स १० रनमा अविजित रहे । वेस्टइन्डिजका टेरी गाब्रिलले २ विकेट लिए ।

यसअघि टस हारेर पहिले ब्याटिङको निम्तो पाएको वेस्टइन्डिजले ४४.४ ओभरमा सबै विकेट गुमाउँदै २ सय रन १२ जोडेको थियो । वेस्टइन्डिजका लागि निकोलस पूरनले सर्वाधिक ६३ रनको अर्धशतकीय पारी खेले पनि टोलीको जितका लागि प्रयाप्त भएन् । 

उनले ७८ बलमा ३ चौका र १ छक्काको मद्दतमा ६३ रनको अर्धशतकीय पारी खेलको थिए । त्यस्तै शिम्रन हेटमायरले ४८ बलमा ४ चौका सहित ३९ रन जोडे । ओपनर ब्याट्सम्यान क्रिस गेलले ४१ बलमा ५ चौका र १ छक्कासहित ३६ रन जोडे । 

आन्द्रे रसेलले २१, कार्लोस ब्राथवेटेले १४ र शाई होपले ११ जोड्न बाहेक अन्यब्याट्सम्यानले दोहोरो अंकमा रन छुन सकेनन् । इंग्ल्यान्डका लागि जोफ्रा आर्चर र मार्क वुडले समान तीन तीन विकेट लिए । त्यस्तै जोइ रुटले दुई तथा क्रिस वोकेस र लियम प्लुंकेटले एक एक विकेट लिए ।