इंग्ल्यान्डलाई वेस्टइन्डिजको मध्यम लक्ष्य

एजेन्सी- आयोजक इंग्ल्यान्डलाई वेस्टइन्डिजले जितका लागि २ सय १३ रनको मध्यम लक्ष्य सुम्पेको छ । टस हारेर पहिले ब्याटिङको निम्तो पाएको वेस्टइन्डिजले ४४.४ ओभरमा सबै विकेट गुमाउँदै २ सय रन १२ जोडेको हो । 

वेस्टइन्डिजका लागि निकोलस पूरनले सर्वाधिक ६३ रनको अर्धशतकीय पारी खेले । उनले ७८ बलमा ३ चौका र १ छक्काको मद्दतमा ६३ रनको अर्धशतकीय पारी खेलको हुन् । त्यस्तै शिम्रन हेटमायरले ४८ बलमा ४ चौका सहित ३९ रन जोडे । 

ओपनर ब्याट्सम्यान क्रिस गेलले ४१ बलमा ५ चौका र १ छक्कासहित ३६ रन जोडे । आन्द्रे रसेलले २१, कार्लोस ब्राथवेटेले १४ र शाई होपले ११ जोड्न बाहेक अन्यब्याट्सम्यानले दोहोरो अंकमा रन छुन सकेनन् । 

इंग्ल्यान्डका लागि जोफ्रा आर्चर र मार्क वुडले समान तीन तीन विकेट लिए । त्यस्तै जोइ रुटले दुई तथा क्रिस वोकेस र लियम प्लुंकेटले एक एक विकेट लिए ।