भारत र न्युजल्यान्डले अंक बाडे

एजेन्सी–आइसिसी एकदिवसीय विश्वकप क्रिकेट अन्तर्गत बिहीबार बर्षाले खेल प्रभावित पारेपछि भारत र न्युजल्यान्डले अंक बाडेका छन् । दुबै टोलीले एक एक अंक बाडेका हुन् । 

जारी विश्वकपमा बर्षाले प्रभावित भएको यो चौथो खेल हो । अंक बाडेसँगै न्युजल्यान्ड अंक तालिकाको शीर्ष स्थानमा यथावत छ । न्युजल्यान्डले यसअघिका तीन खेलमा शतप्रतिशत जित निकालेको थियो । त्यस्तै दुई खेलमा जित निकालेको भारत आफ्नो तेस्रो खेलमा अंक बाड्दै तेस्रो स्थानमा उक्लेको छ । 

न्युजल्यान्डले यसअघि श्रीलंकालाई १० विकेटले पराजित गर्दा दोस्रो खेलमा बंगलादेशलाई २ विकेटले विजयी भएको थियो । त्यस्तै तेस्रो खेलमा फगानिस्तान ७ विकेटले पराजति भएको थियो । यता भारतले भने आफ्नो पहिलो खेलमा दक्षिण अफ्रीकालाई ६ विकेटले पराजति गर्दा दोस्रो खेलमा साविकको विजेता टोली अष्ट्रेलियालाई ३६ रनले पराजति गरेको थियो । शीर्ष स्थानको न्युजल्यान्डको ४ खेलबाट ७ अंक छ भने भारतको ३ खेलबाट ५ अंक छ ।