अष्ट्रेलिया र पाकिस्तान दुबैलाई एक अर्काको डर

एजेन्सी-पाँच पटकको विश्वकप विजेता अष्ट्रेलियाले आज (बुधबार) एक महत्वपूर्ण खेलमा पाकिस्तानको सामना गर्दै छ । आफ्नो पहिलो खेलमा वेस्टइन्डिजसँग ७ विकेटले पराजति भएको पाकिस्तान दोस्रो खेलमा बलियो टोली इंग्ल्यान्डलाई पराजति गरेको थियो । तर, तेस्रो खेलमा श्रीलंकासँग भने बर्षका कारण अंक बाँढ्न बाध्य भएको थियो । 

यता अष्ट्रेलिया भने आफ्नो पछिल्लो खेलमा भारतसँग पराजति भएको छ । पछिल्लो खेलमा अष्ट्रेलियाका बलर भारतका ब्याट्सम्यान सामु पिटिएका थिए। तर, पाकिस्तानको ब्याट्सम्यान भारतको जस्तो बलियो नभएपनि इंग्ल्यान्डसँगको खेलमा उत्कृष्ट ब्याटिङ गरेको थियो । 

यस खेलमा इमाम उल हक र फखर जमानले उत्कृष्ट पारी खेलेका थिए । यसपछि मोहम्मद हफीज र बाबर आजमले पाकिस्तानको ठुलो योगफल तयार पार्न महत्वपूर्ण भुमिका खेलेका थिए । उक्त खेलमा कप्तान सरफराज अहमदले पनि अर्धशतकीय पारी खेलेका थिए । 

पाकिस्तानको बलिङ र अष्ट्रेलियाको ब्याटिङको कुरा गर्ने हो भने अष्ट्रेलियाका ब्याट्सम्यान हावी हुने देखिन्छ । डेविड वार्नर, एरोन फिन्च र स्टीभ स्मिथ तीनै लयमा देखीका छन् । यि तीन ब्याट्सम्यान बाहेक उस्मान ख्वाजा लयमा छन् । भारतविद्ध अष्ट्रेलिया पराजित भएपनि खेलको अन्त्य तिर एलेक्स क्यारीले आक्रमक ब्याटिङ गरेका थिए । 

तर यता पाकिस्तानका बलरलाई कमजोर सोच्नु अष्ट्रेलियालाई ठुलो भुल हुन सक्नेछ । इंग्ल्यान्डविरुद्धको खेलमा मोहम्मद आमिर र वहाब रियाजले जुन बलिङ गरेका थिए उक्त प्रदर्शनले कुनै पनि आक्रमक ब्याट्सम्यानलाई मात दिन सक्छन् । 

यदी आमिर र रियाजल उक्त लयलाई कायमै राख्ने हो भने अष्ट्रेलियाको टिमलाई सहज हुने छैन् । यि दुई बाहेक हसन अली र लेग स्पिनर शादाब खान पनि उत्कृष्ट प्रदर्शनको आसा गरिएका खेलाडी हुन् ।