एमबाप्पेको गोलमा फ्रान्सको फराकिलो जित

एजेन्सी- विश्वकप विजेता टोली फ्रान्सले युरो कप छनोटमा फराकिलो जित निकोलेको छ। मंगलबार राती भएको खेलमा फ्रान्सले एन्डोरामाथि ४-० को फराकिलो जित निकालेको हो । 

फ्रान्सको जितका लागि युवा स्टार केलियन एमबाप्पे, विसम विन यडर, फ्लोरियन थाउभिन र कुर्ट जौमाले एक एक गोल गरे । खेलको पहलो हाफमा ३-० को अग्रता बनाउदा ११ औं मिनेटमा युवा स्टार एमबाप्पेले गोल गरेका थिए। 

उनल् एन्टोनी ग्रिजमनको पासमा गोल गर्दै अग्रता दिलाए । त्यस्तै ३०औं मिनेटमा विसम विन यडरले गोल गर्दै २-० को अग्रता दिलाए । पहिलो हाफको इन्ज्युरी समयमा फ्लोरियन थाउभिनले गोल गर्दै पहिलो हाफमा ३-० को अग्रता दिलाएका हुन् । दोस्रो हाफमा थप एक गोल गर्दा खलको ६०औं मिनेटमा कुर्ट जौमाले गोल गरे । 

यसजितसँगै समूह ‘एच’मा रहेको फ्रान्सले ४ खेलमा तीन जित र एक हार सहित ९ अंक जोडेर शीर्षस्थानमा छ । पराजित एन्डोरा भने अंक विहिन हुँदै अंकतालिकाको पुछारमा छ।