टिसीको उपाधिका लागि विमलको दुई गोल

काठमाडौं- नेपाली राष्ट्रिय फुटबल टोलीका स्ट्राइकर विमल घर्तिमगर चम्कदा टिसी स्पोर्ट्सले माल्दिभ्सको च्यारिटी सिल्ड फुटबलको उपाधि जितेको छ । मंगलबार राति भएको खेलमा फोकाइधुलाई ३-१ ले पराजति गर्दै उपधि जितेको हो । 

पहिलो लेगमा १-१ को बराबरी खेलेको टिसीले दोस्रो लेगमा ३-१ को जित निकाल्दै समग्रहमा ४-२ ले च्याम्पियन बनेको हो । टिसीलाई उपाधि दिलाउन स्ट्राइकर विमल दुई तथा इब्राहिम ऐसमले एक गोल गरे । फोकाइधुका लागि अलि शाइमुले एक गोल फर्काएका थिए । 

खेलको २६ औं मिनेटमा इब्राहिमले गोल गर्दै टिसीलाई अग्रता दिलाएका थिए । पहिलो हाफमा १-० को अग्रता लएिको टिसीले दोस्रो हाफमा थप दुई गोल गर्दै एक गोल खन पुगेको थियो । 

५८ औं मिनेटमा फोकाइधुका अलि शामिउले गोल गर्दै खेल बराबरीमा ल्याए । ६९ औं मिनेटमा विमलले गोल गर्दै टिसीलाई २-१ को स्थितिमा ल्याए । विमलको यो टिसीमा पहिलो गोल हो । ७७ औं मिनेटमा विमलले व्यक्तिगत दोस्रो गोल गर्दै टोलीलाई सिजनको पहिलो उपाधि दिलाउन समफल भए ।