काठमाडौं- नेदरल्यान्डका पुर्व खेलाडी तथा प्रशिक्षक हान एबिङले नेपाली पुरुष भलिबल टोली सम्हाल्ने भएका छन् । उनले नेपाली टोली मुख्य प्रक्षिकको जिम्मा सम्हाल्ने छन् ।
उनलाई नेपालमा आयोजना हुने एसियन सेन्ट्रल जोन पुरुष भलिबल च्याम्पियनसिपका लागि अन्तर्राष्ट्रिय भलिबल महासंघ (एफआइभीभी)ले नेपाल पठाएको हो ।
नेपाल भलिबल संघको पहल र नेदरल्यान्ड भलिबल संघको सहयोगमा उनी नेपाल आउन लागेका हुन् । ३ महिना नेपाली टोलीलाई प्रशिक्षण दिने एबिङको सम्पूर्ण खर्च एफआइबीभीले बेहोर्नेछ । प्रशिक्षक एबिङ असारको पहिलो साता नेपाल आउने छन् ।
प्रतियोगिता साउन ३२ देखि भदौ ८ गतेसम्म चल्नेछ । प्रतियोगिताको लागि नेपालले मंगलबारबाट २५ खेलाडीको क्लोज क्याम सुरु गरेको छ । एसियन भलिबल संघको संयोजनमा आयोजना हुने सेन्ट्रल जोनमा नेपालसहित बंगलादेश, माल्दिभ्स, अफगानिस्तान, किर्गिस्तान, तुर्किमिनिस्तान र उज्वेकिस्तान गरि ७ टोलीको सहभागिता रहने छ ।
प्रकाशित: Dec 31, 2017| 18:23 आइतबार, पुस १६, २०७४
