यस्तो छ संसारकै ठूलो बालुवाको महल

बालुवाको महल बन्दैन। पक्कै बन्दैन। तर मानिसले चाह्यो भने बन्दो रहेछ। जर्मनीमा बालुवाको महल बनेको छ। बाल्टिक सागरको रुगेन टापुमा रहेको यो महल विश्वमा ५ कलाकारहरूले संयुक्त रूपमा महल बनाएका हुन्।

यसको आकार १७.६६ मिटरको (५७.९४ फिट) अग्लो छ। ती पाँच कलाकारले गिनिज बुक अफ वल्र्ड रेकर्डमा दर्ता नाम लेखाएका छन्। यस कार्यको नेतृत्व थोमास फान डेन डुंगेनले गरेका थिए। उनीहरूले २ वर्षअघि पनि  बालुवाको महल  बनाएका  थिए। तर, अन्तिम  अवस्थामा आएर उक्त महल ढलेको थियो।

यस महल बनाउन एक महिना लागेको दैनिक भास्करमा उल्लेख छ। महल निर्माणका क्रममा पहिले किला ठोकिएको थियो। महल बनाउन ११ टन बालुवा खपत भएको छ।

किलालाई आकार दिन २७ मिटर अग्लो बालुवालाई ‘कोन’ आकारमा राखिएको थियो। त्यस पछि यसलाई विभिन्न डिजाइनमा उतारिएको थियो।

महल बनाउनका निमित्त नेदरल्यान्ड, रूस, हंगेरी, लात्भिया र पोल्यान्डका  कलाकारहरू एकजुट भएका थिए। यस महलको प्रदर्शनी  ३ नोभेम्बरसम्मका लागि खुला गरिएको छ।