५४ जना सन्तानका पिता अब्दुल रहेनन्

५४ जना सन्तानका पिताको रुपमा चर्चित पाकिस्तानका अब्दुल मजिद मैंगलको निधन भएको छ।

नेपाल समय | आइतबार, मंसिर २५, २०७९

नेपाल समय

आइतबार, मंसिर २५, २०७९

काठमाडौं– ५४ जना सन्तानका पिताको रुपमा चर्चित पाकिस्तानका अब्दुल मजिद मैंगलको निधन भएको छ। अफगानिस्तानसँग सीमा जोडिएको पाकिस्तानको नोशकी जिल्लामा रहँदै आएका उनको ७५ वर्षको उमेरमा निधन भएको पाकिस्तानी मिडियाले उल्लेख गरेका छन्।

सन् २०१७ को जनगणनामा ५४ जना सन्तानको पिता भएको पाइएपछि उनी चर्चित बनेका थिए। ६ जना महिलासँग विवाह गरेका उनको पहिलो विवाह १८ वर्षको उमेरमा भएको थियो। उनका २ वटी श्रीमतीको यसअघि नै निधन भइसकेको छ। उनका ५४ सन्तानमध्ये १२ सन्तानको पनि यसअघि नै निधन भइसकेको छ।

उनका २२ जना छोरा र २० जना छोरी गरी ४२ जना सन्तान जीवित छन्।

प्रकाशित: Dec 11, 2022| 14:32 आइतबार, मंसिर २५, २०७९