टिम इभेन्टमा एभिएमलाई स्वर्ण

काठमाडौं- सत्यनारायण स्मृति राष्ट्रिय अन्तरविद्यालय टेबलटेनिस प्रतियोगिताको टिम इभेन्टतर्फ आदर्श विद्या मन्दिर (एभीएम) विजयी भएको छ । शनिबार भएको ब्वाइज तथा गल्स दुबैतर्फ एभिएम विजयी भएको हो । 

ब्वाइजमा एभीएमले युरो किड्सलाई ३-१ ले पराजित गरेको हो । युरो किड्स दोस्रो हुँदा सुनाखरी धरान र पब्लिक एकेडेमी तेस्रो भयो । त्यस्तै गल्सको टिम इभेन्टमा एभीएमले प्रभातलाई ३-० ले पराजित गर्दै प्रथम भएको हो । प्रभात दोस्रो हुँदा ब्लुबर्ड र बिडिएस तेस्रो भयो ।  

यु-१० ब्वाइजमा उज्वल मान्नधर प्रथम, कृष्ण महरा दोस्रो तथा अशिस भट्टराई र प्रभात सेडाई तेस्र भए । त्यस्तै सोही स्पर्धामा गल्सतर्फ शुभश्री श्रेष्ठ प्रथम, क्यारिना सुवाल दोस्रो हुँदा नर्मदा खाइतु र आस्मा पहरी तेस्रो भए । 

यू-१२ ब्वाइजतर्फ एभीएमका एलन महर्जन पहिलो, आयुष भट्टराई दोस्रो हुँदा प्रनिशेक भट्टराई र आयुस ताम्राकार तेस्रो भए । सोही स्पर्धामा गल्सतर्फ एभीएमकी बिएन्का राई पहिलो हुँदा प्रिदपा सुवाल दोस्रो तथा बिनिसा डङ्गोल र सृष्टि लिबी तेस्रो भए ।

यू-१४ ब्वाइजतर्फ सिद्दार्थ तामाङ पहिलो, नवराज राई दोस्रो तथा रेहान बस्नेत र सरुन श्रेष्ठ तेस्रो भए ।