प्रधानमन्त्री कप : बाचा अपुरो, पुरस्कार अधुरो !

काठमाडौं- तेस्रो संस्करणको प्रधानमन्त्री कप एयकदिवसीय क्रिकेट प्रतियोगिता यही जेठ १० गतेबाट तामझामका साथ सुरु भयो । कीर्तिपुर क्रिकेट मैदानमा भएको फाइनल खेलमा विभागीय टोली नेपाल पुलिस क्लबले अर्को विभागीय टोली नेपाल आर्मीलाई ४ विकेटले पराजित गर्दै प्रतियोगिताको उपाधि जित्यो । 

विजेता टोली नेपाल पुनिसले प्रतियोगिता जित्दै २० लाख र ट्रफी हार पार्यो भने उपविजेता बनेको नेपाल आर्मीले १० लाखमा चित्त बुझाउनु पर्यो । प्रतियोगिताको विजेता र उपविजेताले भने पूर्वघोषीत पुरस्कार नै पाए । तर, दुखद् कुरा प्रतियोगितामा व्यक्तिगत विधातर्फका विजेता खेलाडी भने नमज्जैले ठगिएका छन् । 

यसअघि प्रतियोगिता आयोजकले व्यक्तिगत विधाका विजेता खेलाडीका लागि ठुलो पुरस्कार रकमको घोषणा गरेका थियो । तर, प्रतियोगितको समापनमा आयोजकले पूर्वघोषीत पुरस्कार खेलाडीलाई प्रदान गर्न सकेन् । 

आयोजकले तोकीयको रकम दिन नसक्दा खेलाडीले ठगिएको महशुस गरेका छन् । पुरस्कार थाप्दै गर्दा आयोजकले प्रदान गर्ने भनेको मोटरसाइकल खै भन्दै खेलाडीहरुले होहल्ला गर्दै असन्तुस्टी जनाउँदा उक्त कुराको प्रस्टोक्ती भएको अनुमान गर्न सकिन्छ । 

यसअघि प्रतियोगिताको म्यान अफ दी सिरिजका लागि एक थान मोटरसाइकल पाउने घोषणा गरिएको थियो । तर, म्यान अफ दी सिरिज बनेका पुलिसका स्पिनर बलर ललित राजवंशीले मात्र ५० हजार रुपैयाँमा चित्त बुझाउन पर्यो । उनीसँगै राजु रिजाल पनि ठगिएका छन् । 

ललित व्यक्तिगत विधाको पुरस्कार राशीमा दुई पटक ठगिएका हुन् । उनी प्रतियोगिताको सर्वोत्कृष्ट बलर पनि घोषित भएका थिए । पूर्वघोषीत पुरस्कार अनुसार ललितले ५० हजार नगद प्राप्त गर्नु पर्ने थियो । तर, उनी ३० हजारमा मात्र चित्त बुझउन विवश बने ।

विभागिय टोली नेपाल पुलिसलाई प्रतियोगितको उपाधि दिलाउन उनले ६ खेलमा सर्वाधिक २० विकेट लिएका थिए । त्यस्तै प्रतियोगिताको सर्वोत्कृष्ट ब्याट्सम्यान घोषीत भएका आर्मीका विकेटकीपर ब्याट्सम्यान राजु रिजालले पनि आयोजकले पत्रकार सम्मेलनमा बारम्बार घोषणा गरेका पुरस्कार रकम पाउन सकेनन् । रिजालले पनि ५० हजार प्राप्त गर्नु पर्नेमा मात्र ३० हजार पाए । राजुले प्रतियोगिताका ६ खेलमा कुल २ सय ६१ रन जोडेका थिए । 

प्रधानमन्त्रीको नाममा राष्ट्रिय खेलकुद परिषद् (राखेप)ले पछिल्लो तीन वर्षदेखी एकदिवसीय प्रतियोगिता आयोजना गर्दै आएको छ । तर, पछिल्ला दुई संस्करण राखेपले नीजि कम्पनीसँग मिलेर गरेको छ । आफूले प्रतियोगिता आयोजना गर्न नसकेको राखेपले नीजि कस्पनीसँग मिलेर पनि खेलाडीलाई तोकिएको पुरस्कार प्रदान गर्न नस्कनु आफैमा लज्जाको वषिय हो । 

यसअघि पत्रकार सम्मेलनमा आयोजकले प्रतियोगिताको कुल लागत १ करोड ७५ लाख रहने बताएको थियो । जसमा ८० लाख रुपैयाँ राखेपले दिने जनाएका थियो भने बाँकी रकम नीजि कम्पनीले उपलब्ध गराउने सहमती थियो । तर, पुरस्कार राशी मै खेलाडी ठगीनुले राखेप र आयोजक प्रतिको विश्वास गुम्ने देखिन्छ । जसले खेलाडीको मनोबलमा समेत असर पर्ने सक्ने छ ।