रोयको उत्कृष्ट शतकमा बंगलादेशलाई विशाल लक्ष्य

एजेन्सी- इंग्ल्यान्डका ओपनर ब्याट्सम्यान जोन्सन रोयको उत्कृष्ट शतकको मद्दतले बंगलादेशलाई ३ सय ८७ रनको विशाल लक्ष्य सुम्पेको छ । टस हारेर पहिले ब्याटिङको निम्तो पाएको घरेलु टोलीले निर्धारित ५० ओभरमा ६ विकेट गुमाउँदै ३ सय ८७६ रन जोडेको हो । 

इंग्ल्यान्डका लागि रोयले सर्वाधिक १ सय ५३ रनको उत्कृष्ट शतकीय पारी खेले । उनले १२१ बलमा १४ चौका र ५ छक्काको मद्दतमा १ सय ५३ रनको शतकीय पारी खेलेका हुन् । 

त्यस्तै जोस बुटलर र जोनी ब्रेस्टोले अर्धशतकीय पारी खेले । बुटलरले ४४ बलमा २ चौका र ४ छक्का प्रहार गर्दै ६४ रनको अर्धशतकीय पारी खेलेका हुन् । ब्रेस्टोले ५० बलमा ६ चौका सहित ५१ रनको अर्धशतकीय पारी खेलेका हुन् । 

कप्तान मोर्गनले ३३ बलमा १ चौका र २ छक्का प्रहार गर्दै ३५ रन जोड । लियम प्लुंकेटले २७, जोए रुटले २१ र क्रिस वोक्सले १८ रन जोडे । बंगलादेशका लागि मोहम्मद साइफुदिन र मेहदी हसन मिराजले दुई दुई विकेट लिए । त्यस्तै मश्रफे मोर्टजले एक विकेट लिए ।