कतारमाथी ब्राजिलको सहज जित

एजेन्सी- अन्तर्राष्ट्रिय मैत्रीपूर्ण खेलमा कतारमाथी ब्राजिलले सहज जित निकालेको छ । बुधबार राति भएको खेलमा ब्राजिलले कतारलाई  २-० ले पराजित गरेको हो । 

ब्राजिलको जितका लागि रिचार्लीसन र ग्याब्रिएल जेससले एक एक गोल गरे । दुबै गोल पहिलो हाफमा सम्भव भएका थिए । खेलको १६ औं मिनेटमा रिचार्लीसनले गोल गर्दै ब्राजिललाई अग्रता दिलाए । उनले अलाभेसको पासमा गोल गर्दै ब्राजिललाई अग्रता दिएका हुन् । 

त्यस्तै खेलको २४ औं मिनेटमा ग्याब्रिएल जेससले गोल गर्दै ब्राजिललाई पहिलो हाफमा २-० को अग्रता दिलाए । उनले रिचार्लीसनको सापमा गोल गरेका थिए । दोस्रो हाफमा भने दुबै टोलीबा कुनै थप गोल हुन नसक्दा खेल ब्राजिलले आफ्नो पक्षमा पारेको हो ।  

ब्राजिलले आफ्नो घरेलु मैदानमा हुने कोपा अमेरिकाको तयारीका लागि मैत्रिपूर्ण खेल खेल्न लागेको हो । त्यस्तै दोस्रो मैत्रिपूर्ण खेल ब्राजिलले सोमबार होन्डुरससाग खेल्दै छ ।