आज नेपालले चाईनिज ताईपेइसँग खेल्दै

काठमाडौं- नेपाली राष्ट्रिय फुटबल टोलीले आज (बिहिबार)  चाईनिज ताईपेइसँग मत्रिपूर्ण खेल खेल्दै छ । खेल नेपाली समय अनुसार दिउँसो ४:४५ बजे सुरु हुनेछ । 

आफु भन्दा बलियो टोली  चाईनिज ताईपेइलाई चुनौती दिन नेपाली टोली तयार रहेको छ । नेपाली टोली मैत्रिपूर्ण फुटबलका लागि मंगलबार नै  चाईनिज ताईपेइ पुगी सकेको छ ।  नेपाली टोली गत आईतबार मलेसियासँग मैत्रीपुर्ण फुटबलमा २-० ले पराजित भएको थियो ।

राष्ट्रिय टोलीको प्रशिक्षकमा कालिनलाई नियुक्त गरेपछि तीन खेल्दा पनि कुनै खेल जित्न सकेको छैन् । नेपालले त्यसअघि कुवेतविरुद्ध एक बराबर र एक हार बेहोरेको थियो । विश्वकप छनोटको तयारीमा रहेको नेपाली टोलीले बलियो टोलीसँग खेल्नु परिक्षण रहेको प्रशिक्षक कालिनले बताएका छन् । 

‘बलियो टोलीको सामना गर्दै आफ्नो परिक्षण गर्न तयार छौं । मैले टोलीका खेलाडीबारे बुझ्न बाँकी रहेकाले पहिलो रोजाईको खेलाडी छान्न कठिन भएको छ र युवा खेलाडीलाई पिन परिक्षण गर्दै छु,’ उनले भने ‘मलेसियासँगको खेल पछि केही नियमित खेलाडी घाइते भएका छन् ।  त्यसैले गर्दा नयाँ टोलीसँग केही गाह्रो भने पक्कै हुनेछ । तर पिन खेलाडीको प्रदर्शन देखेर म खुसी छु ।’