रोनाल्डोको ह्याट्रिकमा पोर्चुगल फाईनल प्रवेश 

एजेन्सी- स्टारटस्ट्राइकर क्रिस्टियानो रोनाल्डोको  ह्याट्रिक गरेपछि पोर्चुगल नेसन्स लिग फुटबलको फाईनलमा प्रवेश गरेको छ । सेमिफाईनलमा स्विटजरल्याण्डलाई ३–१ गोलले पराजित गर्दै पोर्चुगल फाईनल प्रवेश गरेको हो ।

पोर्चुगलको जितका लागि तीनवटै गोल रोनाल्डोले गरेका थिए स्विटजरल्याण्डका लागि रिकार्डो रोड्रिग्युजलले एक गोल फर्काए । खेलको २५ औं मिनेटमा फ्रिकिकमा गोल गर्दै रोनाल्डोले पहिलो हाफमा पोर्चुगललाई १-० को अग्रता दिलाएका थिए । तर ५७ औं मिनेटमा स्विटजरल्याण्डका रिकार्डोले पेनाल्टीमा गोल गर्दै  खेल १-१ को बराबरीमा ल्याए । 

त्यसपिछ खेलको ८८ औं मिनेटमा रोनाल्डोले व्यक्तिगत दोस्रो गोल पोर्चुगललाई पुन: २-१ कव अग्रता दिलाए । त्यसको दुई मिनेट नबित्दै रोनाल्डोले व्यक्तिगत तेस्रो गोल गर्दै ह्याट्रिक पुरा गरे । अब उपाधिका लागि पोर्चुगलले बिहिबार हुने ईङ्ल्याण्ड र नेदरल्याण्डबीचको विजेतासँग प्रतिस्पर्धा गर्नेछ । फाईनल खेल आईतबार पोर्टोमा हुनेछ ।